پرینکا گاندھی گھر میں ہوئیں قید ،جانئے وجہ کیا ہے؟

نئی دہلی :
کانگریس کی جنرل سکریٹری پرینکا گاندھی واڈرا کے شوہر رابرٹ واڈرا کورونا مثبت ہوگئے ہیں۔ اس وجہ سے پرینکا نے اپنا آسام دورہ منسوخ کردیا ہے۔ اس سلسلے میں ایک ویڈیو شیئر کرتے ہوئے پرینکا نے کہا ،’حال ہی میں کورونا انفیکشن کے رابطہ میں آنے کی وجہ سے مجھے اپنا آسام کا دورہ منسوخ کرنا پڑا ، کل میری رپورٹ منفی آئی ہے۔
کانگریس کی جنرل سکریٹری پرینکا گاندھی واڈرا نے مزید لکھا ، ‘مگر ڈاکٹروں کے مشورے پر میں اگلے کچھ دنوں تک آئسولیشن میں رہوں گی۔ میں اس پر آپ سے معذرت خواہ ہوں ، میں کانگریس کی جیت کے لئے دعا گو ہوں۔ یہ بات قابل ذکر ہے کہ پرینکا گاندھی واڈرا آج آسام میں انتخابی جلسے کو خطاب کرنے والی تھیں، جبکہ کل وہ تامل ناڈو جانے والی تھیں۔
آسام میں آج کانگریس کی جنرل سکریٹری پرینکا گاندھی واڈرا کی تین ریلیاں تھیں۔ پہلی ریلی گول پارہ ایسٹ ، دوسری ریلی گولک گنج اور تیسری ریلی ساروکھتری میں ہونی تھی ، جسے منسوخ کردیا گیا ہے۔