لکھنؤ : (ایجنسی)
اترپردیش میں چند ماہ بعد اسمبلی انتخابات ہونے والے ہیں۔ اسمبلی انتخابات سے پہلے کانگریس کی ریاستی انچارج پرینکا گاندھی واڈرا ایکٹیو موڈ میں ہیں۔ پرینکا گاندھی نے کانگریس کے سوشل میڈیا ڈپارٹمنٹ کے ساتھ تبادلہ خیال کیا ہے۔ پرینکا گاندھی ٹریننگ سے جرأت مندانہ پروگرام کے تحت اترپردیش کےشہری اور دیہی ہرایک کانگریسی کو نظریاتی طور پر مضبوط اور تنظیمی سطح پر تربیت یافتہ بنانے کا ہدف لے کر چل رہی ہیں ۔ پرینکا گاندھی کا ہدف اس پرگرام کے ذریعہ ’ابھے کانگریس ‘ (باہمت کانگریس) تنظیم کی تعمیر کے لیے فاتح فوج تیار کرناہے ۔
کانگریس کے ترجمان وکاس سریواستو نے اس حوالے سے کہا کہ پرینکا گاندھی کا مقصد یہ ہے کہ کانگریس تنظیم کو قربانی ، ہمدردی ، باصلاحیت ، پالیسی اور سماج کی آخری امید، ان پانچ کلیدی معیار پر کھرا اترنے کا ہے۔ ہر کانگریسی کو سماج کی اخلاقی ذمہ داری اٹھانے کے لیے اپنے آپ کو اخلاقی بنیاد پر بھی پختہ بناناہوگا۔
ان کا ماننا ہے کہ کانگریس پارٹی ایک حساس ، مثبت اور تعمیری سمت میں سماج کی تعمیر میں اپنا اہم کردار ادا کرتی رہی ہے۔ نفرت اور تقسیم کی جوسیاست پر گزشتہ تین دہائیوں سے اترپردیش میں غیر کانگریسی پارٹیاں حاوی رہی ہیں۔ اس سے ریاست کی ثقافت کی ترقی اور ریاست کی سیاست کا بنیادی کردار کو مسخ ہوا اور سماجی و معاشی کے ہر پیرامیٹر سے پیچھے رہ گئی۔
کانگریس کے ترجمان نے کہا کہ تربیتی کیمپوں کے ذریعے کانگریسیوں کو سیاسی طور پر پختہ بنانے کے ساتھ ساتھ اب انہیں ’ابھے کانگریسی‘ کے طور پر اخلاقی طور پر بااختیار بنانا ہوگا۔ انہوں نے بتایا کہ گاندھی ٹریننگ کیمپ میں شامل ہونے والے ہر ورکر کی فزیکل تصدیق کے ساتھ ڈیجیٹل ریکارڈ بھی تیار کیا جا رہا ہے۔
وکاس سریواستو نے کہا کہ پرینکا گاندھی چاہتی ہیں کہ کانگریس کا کارکن ہرظلم ، زیادتی کے خلاف کھڑا ایک مضبوط ابھے کارکن ہو۔ ان کا مقصد صرف سیاست کا نہ ہو کر سماجی خدمت اور بہترسماج کا ہونا چاہیے۔
وکاس سریواستو نے کہا کہ کانگریس کارکنوں کو ووٹ کی سیاست کرنے کے ساتھ ساتھ سماج کے پسماندہ طبقات اور خواتین ، بچوں اور نوجوان نسل کے بارے میں حساس ہونا چاہیے۔ انہوں نے کہا کہ پرینکا گاندھی کا مقصد اسمبلی انتخابات سے پہلے تنظیمی اور نظریاتی طور پر مضبوط ابھے کانگریس بنانا ہے ، جو آر ایس ایس اور بی جے پی کو مناسب جواب دے سکے ۔
