سنبھل :سالار مسعود غازی کی یاد میں اب نیزا میلہ نہیں لگے گا،پولیس نے لٹیرا بتایا،ایسا کرنے والوں کو غدار کہا

ایسا لگتا ہے کہ اب پولیس بھی فریق بنتی جارہی ہے اور سیاسی بیانیہ کے تحت کام کرنے لگی ہے.
سنبھل سے خبر ہے کہ اب سید سالار مسعود غازی کی یاد میں منعقد کیا جانے والا نیزا میلہ اس سال اتر پردیش کے سنبھل میں منعقد نہیں کیا جائے گا۔  اے بی پی نیوز کے مطابق پولیس نے منتظمین سے واضح طور پر کہہ دیا ہے کہ وہ لٹیروں  کے نام پر میلہ منعقد کرنے کی اجازت نہیں دیے گی۔  ہر سال سنبھل میں ہولی کے بعد سید سالار مسعود غازی کی یاد میں نیزہ میلہ لگایا جاتا ہے۔  اس تقریب کو لے کر دوسری کمیونٹی کے لوگوں نے پولیس انتظامیہ پر اعتراض کیا تھا۔ 
کہا گیا کہ سید سالار مسعود غازی نے ملک کو نقصان پہنچایا۔  ایسے شخص کے نام پر میلہ لگانا اور اس کی تعریف کرنا درست نہیں۔  اب آگے خبر پڑھیے اے بی پی نے اپنی رپورٹ  میں بتایا کہ اس اعتراض کے درمیان نیزا میلہ کمیٹی کے لوگوں نے پیر کو ایڈیشنل سپرنٹنڈنٹ آف پولیس شریش چندر سے ملاقات کی۔  ایڈیشنل سپرنٹنڈنٹ آف پولیس شریش چندر نے میلے کی اجازت کے لیے آئے لوگوں سے پوچھا کہ آپ میلہ کس کے نام پر منعقد کرتے ہیں۔ 
••• سخت کارروائی کی جائے گی- پولیس
جب منتظمین نے کہا کہ سید سالار مسعود غازی کے نام پر نیزا میلہ منعقد کیا جا رہا ہے تو ایڈیشنل سپرنٹنڈنٹ آف پولیس نے واضح طور پر کہا کہ وہ سید سالار مسعود غازی کے نام پر میلہ نہیں لگنے دیں گے۔  انہوں نے یہاں تک کہا کہ سومناتھ مندر کو لوٹنے والوں کے نام پر میلے کی اجازت نہیں دی جا سکتی، وہ ایک لٹیرا تھا اور اگر آپ ایسے لٹیرے کی یاد میں میلہ لگاتے ہیں تو آپ غدار ہیں، ہم آپ کو ایسا نہیں کرنے دیں گے۔  تاریخ گواہ ہے کہ وہ حملہ آور محمود غزنوی کا سپہ سالار تھا۔  تاریخ جانتی ہے کہ اس نے سومناتھ کو لوٹا اور ملک میں قتل عام کروایا۔  یہاں کسی لٹیرے  کی یاد میں کوئی تقریب منعقد نہیں کی جائے گی اگر کوئی ایسی کوشش کرے گا تو اس کے خلاف سخت کارروائی کی جائے گی۔ 
واضح رہے کہ 18 مارچ کو میلے کا پرچم لہرانے کا منصوبہ تھا اور میلہ  کمیٹی نے 25، 26 اور 27 مارچ کو میلہ منعقد کرنے کا اعلان کیا تھا۔  یہ میلہ سنبھل میں ہولی کے بعد سالار مسعود غازی کی یاد میں لگایا جاتا ہے اور اسے نیزا میلہ کہا جاتا ہے۔  اس بار بھی کچھ لوگ میلے کے انعقاد کی اجازت کے لیے ایڈیشنل سپرنٹنڈنٹ آف پولیس شریش چندر سے ملنے آئے تھے، جس پر ایڈیشنل سپرنٹنڈنٹ آف پولیس نے میلے کے انعقاد کی اجازت دینے سے صاف انکار کر دیا ہے اور خبردار کیا ہے کہ اب یہاں کوئی میلہ نہیں لگے گا۔