سنگھ کا دعویٰ،جھوٹ پڑھائی گئی تاریخ،پورا بھارت کبھی غلام نہیں رہا

نئی دہلی :(ایجنسی)

راشٹریہ سویم سیوک سنگھ کے ذریعہ منائے جارہے امرت مہوتسو مہم کے تحت اتوار کو جوالا دیوی انٹر کالج میں ایک ورکشاپ کا انعقاد کیا گیا۔ اس میں امرت مہوتسو آرگنائزنگ کمیٹی کاشی صوبہ کے کنوینر اور تاریخ کے اسکالر ڈاکٹر آنند شنکر سنگھ نے کہا کہ پورا ہندوستان کبھی بھی غلام نہیں رہا۔ ہم سب کو یہ جھوٹی تاریخ پڑھائی گئی۔

کلیدی مقرر کی حیثیت سے ڈاکٹر آنند شنکر نے کہا کہ مغلوں اور انگریزوں کے دور میں بھی بادشاہوں کی ریاست ہی رہی۔ وجے نگر سلطنت، مراٹھا سلطنت ہمیشہ مغلوں کی آنکھوں کی کرکری بنےرہے ۔ سکندر نے ملک کے ایک کونے سے داخل ہوا لیکن اسے بھی الٹے پاؤں شکست کھا کر لوٹنا پڑا ۔ انہوں نے کہا کہ ہماری تاریخ غلامی کی نہیں مزاحمت کی رہی ہے ۔

ہندوستانی ثقافت اور گاؤں کی طاقت نے ملک کو کبھی غلام نہیں بننے دیا۔ اس لیے انگریزوں نے ان دونوں پر حملہ کیا۔ انگریزی تعلیم کے ذریعے ثقافت کو اور نئے آباد کاری سسٹم کے ذریعہ گرام سوراج کو ختم کیا۔ تاریخ کا حوالہ دیتےہوئے انہوں نے کہاکہ آزادی کی جنگیں صرف سیاسی آزادی حاصل کرنے کے لیے نہیں لڑی گئی تھیں۔ آزادی کی لڑائی خود کو بیدار کرنے کی لڑائی تھی۔

امرت مہوتسو مہم کا بنیادی مقصد نفس کو بیدار کرنا ہے۔ اس سے پہلے ورکشاپ میں، شریک صوبائی عہدیدار، ڈاکٹر راج بہاری نے مقررین کو تنظیمی موضوعات سے آگاہ کیا اور امرت مہوتسو مہم کا خاکہ پیش کیا۔ اس موقع پرگھنشیام، ڈاکٹر ایم جے ترپاٹھی، پروفیسر ستیہ پال، پروفیسر ایس پی سنگھ، امیت پانڈے، ڈاکٹر پیوش وغیرہ موجود تھے۔