گوا میں بولیں ممتا بنرجی : سیاست کو سنجیدگی سے نہیں لے رہی ہے کانگریس ،پی ایم مودی ہوں گے اور طاقتور

پنجی :(ایجنسی)

مغربی بنگال کی وزیر اعلیٰ ممتا بنرجی نے گوا کے دورے کے آخری دن کہا کہ وزیر اعظم مزید طاقتور ہوں گے، کیونکہ کانگریس سیاست کو سنجیدگی سے نہیں لے رہی ہے۔ ممتا بنرجی نے کانگریس پر گوا میں اتحاد پر فیصلہ نہ لینے کا بھی الزام لگایا۔ پنجی میں صحافیوں سے خطاب کرتے ہوئے ممتا نے کہاکہ کانگریس فیصلہ نہیں لے رہی ہے، ملک اس کا نتیجہ بھگت رہا ہے۔

ممتا بنرجی نے کہاکہ میں سب کچھ ابھی نہیں کہہ سکتی ،کیونکہ انہوں نے سیاست کو سنجیدگی سے نہیں لیا۔ کانگریس کی وجہ سے مودی مزید پاور فل ہونے جارہے ہیں۔ اگر کوئی فیصلہ نہیںلیتا ہے، تو اس کے لیے ملک کیوں خمیازہ اٹھائے۔ ممتا نے کہاکہ کانگریس کو پہلے موقع ملا تھا ، لیکن وہ میرے ریاست میں بی جے پی کے بجائے میرے خلاف لڑرہے تھے ۔ ٹی ایم سی نے گوا کی تمام 40 سیٹوں پر انتخاب لڑنے کااعلان کیا ہے ۔

اس سے پہلے مملا نے بی جے پی پر نشانہ سادھا۔ ممتا بنرجی نے کہا کہ بی جے پی نے ’اچھے دن‘ کا وعدہ کیا تھا، لیکن اب یہ لوگ ملک کو تباہ کرنے میں مصروف ہیں۔ انہوں نے کہا کہ ملک میں مہنگائی بڑھ رہی ہے۔ ڈیزل، پیٹرول، ایل پی جی کی قیمتیں بڑھ رہی ہیں۔ جی ایس ٹی سے کاروبار متاثر ہو رہے ہیں۔ لیکن بی جے پی ان مسائل کو حل کرنے میں سنجیدہ نہیں ہے۔ اس سے پہلے گوا فارورڈ پارٹی کے لیڈر وجے سردیسائی نے ممتا بنرجی سے ملاقات کی۔