مودی سے بھارت میں انسانی حقوق کے مسائل پر بھی بات کریں’70سے زائد امریکی کانگریس ممبران کا بائڈن کو خط

وزیر اعظم نریندر مودی ان دنوں امریکہ کے بہت اہم دورے پر ہیں اور ساری دنیا نظر لگاۓ ہوۓ ہے یہ ان کا امریکہ کا پہلا سرکاری دورہ ہے جس میں بہت کچھ ہونے کی توقع ہے مگر اسی دوران امریکہ کے ستر سے زائد ارکان پارلیمنٹ نے صدر جو بائیڈن سے کہا ہے کہ وہ بھارتی وزیر اعظم نریندر مودی سے انسانی حقوق کے مسائل پر بھی بات کریں ۔دی وائر کی رپورٹ کے مطابق منگل کو وائٹ ہاؤس کو بھیجے گئے خط پر کانگریس کے 75 ڈیموکریٹک ارکان نے دستخط کیے جن میں 18 سینیٹرز اور ایوان نمائندگان کے 57 ارکان شامل ہیں۔ مودی بھی اسی دن وہاں پہنچ گئے ہیں۔ امریکی محکمہ خارجہ اور سول سوسائٹی کی مختلف رپورٹوں کا حوالہ دیتے ہوئے، انہوں نے کہا کہ مودی کے ساتھ اپنی بات چیت میں، وہ "مذہبی عدم برداشت میں اضافہ، سیاسی اسپیس کم ہونے،، سول سوسائٹی کی تنظیموں، کارکنوں اور صحافیوں کو نشانہ بنانے، پریس اور انٹرنیٹ پر بڑھتی ہوئی پابندیوں کے بارے میں بات کریں ۔ ۔ انہوں نے مزید کہا کہ وہ کسی ہندوستانی رہنما یا سیاسی جماعت کی تشہیر نہیں کر رہے ہیں بلکہ وہ ان مسائل کے ساتھ کھڑے ہیں جو امریکی خارجہ پالیسی کا مرکز ہونا چاہییں