کشیدگی کا ماحول:ترکیہ نے پاکستان کو اسلحہ کا ذخیرہ بھیجا،چین کی بھی ملٹری سپورٹ

پاکستان اور بھارت کے درمیان بڑھتی  کشیدگی اور جنگ کے خدشات کے درمیان خبر ہے کہ ترکی نے پاکستان کو ہتھیاروں کی کھیپ بھیجی ہے۔ دعویٰ کیا گیا ہے کہ ترکیہ سے اسلحہ لے کر کارگو پروازیں اسلام آباد پہنچ گئی ہیں۔ یہ وہی ترکیہ ہے جہاں زلزلے کے بعد مدد فراہم کرنے والے پہلے ممالک میں ہندوستان شامل تھا۔ لیکن یہ وہی ترکیہ ہے جس نے سب سے پہلے ہتھیاروں کی کھیپ پاکستان بھیجی۔ ترک فضائیہ کا ایک C-130 ہرکولیس ملٹری ٹرانسپورٹ طیارہ اسلحہ لے کر اتوار کو کراچی پہنچا۔
بھارتی میڈیا میں یہ خبر چل رہی ہے ذرائع کے مطابق کم از کم 6 C-130 کارگو لڑاکا طیارے ترکی سے اسلام آباد پہنچ چکے ہیں۔ کراچی کے علاوہ 6 سی 130 طیارے اسلام آباد کے فوجی اڈے پر اترے ہیں۔ پاکستانی سوشل میڈیا نے دعویٰ کیا ہے کہ ترکی کی طرف سے بھیجے گئے ہتھیاروں میں Bayraktar TB2 ڈرون، چھوٹے ہتھیار، سمارٹ بم اور گائیڈڈ میزائل سسٹم شامل ہو سکتے ہیں۔ اس سے قبل چین نے پاکستان کو PL-15 میزائل بھی بھیجے تھے جنہیں پاکستان نے اپنے JF-17 لڑاکا طیاروں میں نصب کر رکھا ہے۔
چین  کی بھی پاکستان کو مدد؟
ٹائمز آف انڈیا کی رپورٹ کے مطابق، پہلگام دہشت گردانہ حملے کے بعد بھارت کے ساتھ بڑھتی ہوئی کشیدگی کے درمیان ترکیہ نے مبینہ طور پر پاکستان کو ہتھیار بھیجے ہیں۔ ترکی کے چھ C-130 طیارے جنگی ساز و سامان لے کر پاکستان پہنچ گئے، جو کہ انقرہ-اسلام آباد فوجی شراکت داری میں اضافہ کا اشارہ ہے-  اس دوران چین کی پاکستان کو سٹریٹجک ملٹری سپورٹ میں بھی مسلسل اضافہ ہو رہا ہے، چین کی حالیہ اسلحہ کی برآمدات کا 82 فیصد سے زیادہ پاکستان کو جا رہا ہے۔ کشمیر میں کشیدگی بڑھنے کے ساتھ، ایسا لگتا ہے کہ پاکستان اپنے قریبی دفاعی اتحادیوں – ترکیہ اور چین پر بہت زیادہ انحصار کر رہا ہے