نئی دہلی : (ایجنسی)
آج کا دن ان کسانوں کے لیے تاریخی دن ہے جو تین زرعی قوانین کے خلاف ایک سال سے دہلی کی مختلف سرحدوں پرڈٹے تھے۔ کسان 378 دنوں کی جدوجہد کے بعد حاصل کی گئی جیت کا جشن منا رہے ہیں۔ اس کے ساتھ ساتھ ان کی وطن واپسی کی تیاریاں بھی جاری ہیں۔ سنگھو سمیت تمام سرحدوں سے خیمے ہٹائے جا رہے ہیں۔ کسان 11 دسمبر تک اپنے گھروں کو لوٹ جائیں گے۔
تقریباً 40 کسانوں کی تنظیموں کی تنظیم سنیکتکسان مورچہ نے جمعرات کو تین زرعی قوانین کے خلاف کسانوں کے احتجاج کو معطل کرنے کا فیصلہ کیا ہے جو ایک سال سے زیادہ عرصے سے جاری ہے۔ اس کے ساتھ کسان مورچہ نے اعلان کیا کہ کسان 11 دسمبر تک دہلی کی مختلف سرحدوں سے اپنے گھروں کو واپس چلے جائیں گے۔
تاہم، کسان مورچہ نے اعلان کیا کہ ان کی تنظیم کسانوں کے مطالبات کی مزید قیادت کرے گی۔ کسان رہنماؤں نے کہا کہ وہ 15 جنوری کو دوبارہ میٹنگ کریں گے کہ آیا حکومت ان کے مطالبات کو پورا کیا ہے اور یہ بھی اعلان کیاکہ کسان 11 دسمبر سےدہلی کے الگ الگ سرحدوں کو خالی کرنا شروع کردیں گے ۔
