صرف الیکشن میں نظر آنے والے اویسی کی اوکھلہ آمد،کس کا کھیل بگاڑیں گے؟

نئی دہلی:آر کے بیورو
آل انڈیا مجلس اتحاد المسلمین (اے آئی ایم آئی ایم) کے رہنما اسد الدین اویسی  میونسپل الیکشن کے بعد ایک بار پھر دہلی میں نمودار ہوئے ہوئے ہیں ،اویسی اور ان کی پارٹی کی خاصیت یہ ہے کہ دونوں صرف الیکش کے وقت عوام میں اتے ہیں  چنانچہ مسلم علاقوں کو نشانہ بناکر وہ ووٹ مانگنے کے لئے کل اوکھ لہ میں ائے -پہلی بٹلہ ہاؤس میں ریلی نکالی پھر شام کو ایک جلسہ عام سے خطاب کیا اور وہی پرانی باتیں دوہرائیں جو ہر جگہ دہراتے ہیں -خاص یہ ہے کہ ان کے نشانے پر ہمیشہ بی جے پی سے زیادہ اپوزیشن کی پارٹیاں ہوتی ہیں اوکھلا میں ایک ریلی کے دوران دہلی کے سابق وزیر اعلی اروند کیجریوال اور ان کی عام آدمی پارٹی (اے اے پی) کو نشانہ بنایا۔اویسی نے شفا الرحمان اور طاہر حسین کی حالت زار پر بھی روشنی ڈالی، جو دونوں فی الحال 2020 کے دہلی فسادات میں مبینہ طور پر ملوث ہونے پر کئی سال سے جیل میں ہیں۔
انہوں نے دونوں رہنماؤں کو درپیش ’ظلم‘ کی مذمت کرتے ہوئے اس بات پر زور دیا کہ ان کی  حمایت میں ہونے والی ریلی اور ملنے والے ووٹ مرکزی حکومت کے خلاف مزاحمت کی ایک شکل ہو گی، جس نے ان کے مطابق، انہیں غلط طریقے سے  جیل میں ڈال رکھا ہے .۔اے آئی ایم آئی ایم لیڈر کے دہلی میں سخت انتخابی جنگ سے پہلے آئے ہیں، جہاں  کیجریوال کا سب کچھ سیاسی داؤ پر لگا ہوا ہے۔ قابل ذکر ہے کہ خواتین رائے دہندوں کی توجہ کے لیے پارٹیاں اور انصاف، گورننس اور بدعنوانی جیسے مسائل پر گفتگو پر غلبہ حاصل کرنے کے ساتھ، اویسی اپنی بنیاد کو اس لیے تیار کر رہے ہیں جو ایک اہم انتخابی مقابلہ ہو سکتا ہے۔
اوکھلہ میں دوبار سے لگاتار ایم ایل اے عام آدمی پارٹی کے امیدوار ہیں ان کے سامنے بی جے پی کے منیش چودھری اور کانگریس سے آصف محمد خاں کی بیٹی اور کونسلر اریبہ خان ہیں جبکہ اویسی نے سی اے اے تحریک میں سرگرم حصہ لینے اور دہلی فساد کے الزام میں قید شفاءالرحمن  کو امیدوار بنایا ہے لوگوں کا سوال ہے کہ اس درمیان میں اویسی اور ان کی پارٹی نے شفاءالرحمن کے لئے کیا کیا- بہرحال دہلی اسمبلی کے انتخابات 5 فروری کو ہوں گے اور ووٹوں کی گنتی 8 فروری کو ہوگی۔