نئی دہلی :
ٹی وی ڈبیٹ میں پینلسٹوں کا بھڑناکا سلسلہ ہمیشہ سے چلا آرہا ہے ، لیکن اب ایک دوسرے پر نجی حملے کرنے کے معاملے بڑھ گئے ہیں ۔ اکثر پینل میں موجود الگالگ پارٹی کے لیڈر ترجمان ایک دوسرے کے ساتھ گالی گلوج کرتے نظر آجا تے ہیں۔ تازہ معاملہ کانگریس کی راگنی نائک اور گورو بھاٹیہ کے درمیان ڈبیٹ کا ہے۔
سارا معاملہ ہندی نیوز چینل ’آج تک‘ کا ہے۔ کورونا کے خلاف ویکسینیشن کے معاملے پر ہونے والے اس ڈبیٹ شو میں تمام مہمانوں کے ساتھ بی جے پی کے ترجمان گور و بھاٹیہ اور کانگریس ترجمان راگنی نائک بھی موجود تھیں۔ گورو بھاٹیہ نے الزام لگایا کہ کانگریس ویکسینیشن پر سیاست کررہی ہے ۔ راگنی نائک نے پلٹ وار کرتے ہوئے سرکار پر حملہ بولااور کہاکہ یہ لوگ اقتدار میں بیٹھ کر صرف جھوٹ بول رہے ہیں۔
بحث چل ہی رہی تھی راگنی نائک نے شو کی اینکر سے کہاکہ جب میرا موقع آئے تو صرف مجھے بولنے دیا جائے۔ گورو بھاٹیہ کی طرف سے اشارہ کرتے ہوئے راگنی نے کہہ دیا کہ یہ بدتمیز آدمی میرے بیچ میں نہیں بولے گا ۔ راگنی نائک کے منھ سے یہ الفاظ سن کر گورو بھاٹیہ بھڑک گئے۔
جوابی حملہ کرتے ہوئے گورو بھاٹیہ راگنی نائک کو بدتمیز عورت بتاتے ہوئے شو سے نکل جانے کو کہنے لگے۔ اتنا ہی نہیں گورو بھاٹیہ نے آگے کہاکہ یہ کانگریس پارٹی والے سب کے سب بدتمیز ہیں۔ اس لئے عوام نے انہیں سبق سکھایا ہے۔ گورو نے آگے کہاکہ تم لوگ بدعنوانی اور دلال ہو ۔
گورو بھاٹیہ کی باتوں کے جواب میں راگنی نائک نے انہیں سڑک چھاپ ،تالی کا بیگن اور توتلا کہنا شروع کر دیا۔ دونوں کے درمیان تیکھی بحث ہوئی۔ بحث کی ویڈیو سوشل میڈیا میں وائرل ہو رہی ہے ۔
