لکھنؤ :(ایجنسی)
یوپی اسمبلی الیکشن 2022 کی تاریخوں کا اعلان کر دیا گیا ہے۔ ریاست کی 403 سیٹوں پر سات مرحلوں میں پولنگ ہوگی۔ پہلے مرحلے کی پولنگ 10 فروری کو ہوگی۔ پہلا مرحلہ مغربی یوپی سے شروع ہو رہا ہے۔
اس کے ساتھ ہی دوسرے مرحلے کی پولنگ 14 فروری، تیسرے مرحلے کی پولنگ 20 فروری، چوتھے مرحلے کی پولنگ 23 فروری، پانچویں مرحلے کی پولنگ 27 فروری، چھٹے مرحلے کی پولنگ 3 مارچ اور ساتویں مرحلے کی پولنگ 7 مارچ کو ہو گی۔ ووٹوں کی گنتی 10 مارچ کو ہوگی۔
پہلا مرحلہ – 58 سیٹیں
14 جنوری کو نوٹیفکیشن
21 جنوری – پرچہ نامزدگی کی آخری تاریخ
10 فروری کو ووٹنگ
11 اضلاع: شاملی، مظفر نگر، باغپت، میرٹھ، ہاپوڑ، غازی آباد، بلند شہر، متھرا، آگرہ، گوتم بدھ نگر (نوئیڈا) اور علی گڑھ ہیں۔
دوسرا مرحلہ- 55 سیٹیں
21 جنوری کو نوٹیفکیشن
28 جنوری پرچہ نامزدگی کی آخری تاریخ
14 فروری کو ووٹنگ
9 -اضلاع: سہارنپور، بجنور، امروہہ، سنبھل، مراد آباد، رام پور، بریلی، بدایوں، شاہجہاں پور
تیسرا مرحلہ – 59 سیٹیں
25 جنوری کو نوٹیفکیشن
یکم فروری -پرچہ نامزدگی کی آخری تاریخ
20 فروری کو ووٹنگ
16 -اضلاع: کاس گنج، ہاتھرس، فیروز آباد، ایٹہ، مین پوری، فرخ آباد، قنوج، اٹاوہ، اوریا، کانپور دیہات، کانپور نگر، جالون، حمیر پور، مہوبہ، جھانسی، للت پور
چوتھا مرحلہ- 60 نشستیں
27 جنوری کو نوٹیفکیشن
3 فروری -پرچہ نامزدگی کی آخری تاریخ
23 فروری کو ووٹنگ
9- اضلاع : پیلی بھیت، لکھیم پور کھیری، سیتا پور، ہردوئی، لکھنؤ، اناؤ، رائے بریلی، فتح پور،باندہ
پانچواں مرحلہ – 60 نشستیں
یکم فروری کو نوٹیفکیشن
8 فروری -پرچہ نامزدگی کی آخری تاریخ
27 فروری کو ووٹنگ
11 -اضلاع: شراوستی، بہرائچ، بارہ بنکی، گونڈا، ایودھیا، امیٹھی، سلطان پور، پرتاپ گڑھ، کوشامبی، چترکوٹ، پریاگ راج
چھٹا مرحلہ- 57 نشستیں
3 فروری کو نوٹیفکیشن
11 فروری – پرچہ نامزدگی کی آخری تاریخ
3 مارچ کو ووٹنگ
10 -اضلاع: بلرام پور، سدھارتھ نگر، مہاراج گنج، کشی نگر، بستی، سنت کبیر نگر، امبیڈکر نگر، گورکھپور، دیوریا، بلیا
ساتواں مرحلہ- 54 سیٹیں
10 فروری کو نامزدگی
17 فروری – پرچہ نامزدگی کی آخری تاریخ
7 مارچ کو ووٹنگ
9 -اضلاع: اعظم گڑھ، مئو، جونپور، سنت روی داس نگر، وارانسی، مرزا پور، غازی پور، چندولی، سون بھدرا
بتا دیں کہ اتر پردیش قانون ساز اسمبلی کی مدت 14 مئی 2022 کو ختم ہو رہی ہے۔ ایسے میں 14 مئی سے پہلے اسمبلی اور نئی حکومت کی تشکیل کا عمل مکمل کرنا ہوگا۔ اتر پردیش میں اسمبلی کی کل 403 سیٹیں ہیں۔
1250ووٹرز پر ہوگاایک بوتھ
چیف الیکشن کمشنر نے کہا کہ اس بار 1250 ووٹرز پر ایک بوتھ بنایا گیا ہے۔ گزشتہ انتخابات کے مقابلے 16 فیصد بوتھ کا اضافہ ہوا ہے۔ سرکاری ملازمین کے علاوہ الیکشن کمیشن نے 80 سال سے زیادہ عمر کے شہریوں، معذور افراد اور کووڈ سے متاثرہ افراد کے لیے پوسٹل بیلٹ کا انتظام کیا ہے۔
ای سی کی ٹیم کووڈ متاثرہ کے گھر جائے گی
انہوں نے کہا کہ تمام بوتھوں پر مرد و خواتین سیکورٹی اہلکار تعینات ہوں گے۔ ہر بوتھ پر معذور افراد کے لیے خصوصی انتظامات کیے جائیں گے۔ رضاکار مدد کریں گے۔ ہر بوتھ پر وہیل چیئر بھی ہوگی۔ کمیشن کی ٹیم ویڈیو ٹیم کے ساتھ ایک خصوصی وین میں کووڈ متاثرہ یا کووڈ مشتبہ کے گھر جائے گی اور ووٹ ڈلوائے گی۔ انہیں بیلٹ پیپر کے ذریعے ووٹ ڈالنے کا حق ملے گا۔
اس کے علاوہ مجرمانہ پس منظر کے حامل امیدواروں کو مختلف مراحل پر تین بار اخباری ٹی وی اور میڈیا اور ویب سائٹ کے ہوم پیج پر معلومات عام کرنا ہوں گی، تاکہ عوام کو معلوم ہو کہ ان کے امیدوار کیسے ہیں۔
پہلی بار ووٹر کو الیکشن رولز کی پرچی دی جائے گی
چیف الیکشن کمشنر نے بتایا کہ پہلی بار ووٹر کو الیکشن رولز کی پرچی دی جائے گی۔ امیدوار سوویدھا ایپ کے ذریعے آن لائن اندراج کر سکیں گے۔ الیکشن کے دوران کسی بھی غلط کام کی شکایت Cvigil ایپ پر درج کی جائے گی۔ اس کے علاوہ جیت کے بعد فتح جلوس پر پابندی ہوگی۔
