کشی نگر :(ایجنسی)
ایس پی کے قومی صدر اکھلیش یادو نے اتوار کو کشی نگر میں نامہ نگاروں سے بات کرتے ہوئے کہا کہ زرعی قوانین کے خلاف احتجاج میں کئی کسانوں نے اپنی جان گنوائی ہے۔ لیکن حکومت کو کوئی پرواہ نہیں۔ حکومت نے جس طرح یوپی میں کسانوں کے احتجاج کو کچلنے کی کوشش کی، جس کا الزام مرکزی وزیر کے بیٹے پر ہے۔ کیا آپ ان داتا کو اپنی جیپ سے کچل سکتے ہیں؟
انہوں نے وزیر داخلہ امت شاہ کے ایس پی کے جے اےایم والے بیان پر پلٹوار کیا۔ اکھلیش یادو نے کہاکہ بی جےپی کے جے اےایم کامطلب ہے ، جے – سے جھوٹ، اے- سے گھمنڈ، اورایم- کا مطلب ہے مہنگائی۔ دراصل شاہ نے ہفتہ کو اعظم گڑھ سے اکھلیش یادو پر نشانہ سادھا تھا۔ انہوں نے کہا تھا کہ مودی جی جے اے ایم لائے ہیں، تاکہ بدعنوانی کے بغیر خریدار ہو سکے۔ جے کا مطلب ہے جن دھن اکاؤنٹ ، اے- کا مطلب آدھار اور ایم کا مطلب ہے ہر ہاتھ میںموبائل۔ انہوں نے کہاکہ میں نےگجرات میں یہ بیان دیاتو ایس پی کے لیڈرنے کہاکہ ہم بھی جے اے ایم لائے ہیں۔ ایس پی کے جے اےایم کامطلب ہے ،جے سے جناح، اے سے اعظم خاں اور ایم کا مطلب ہے مختار ۔
بی جے پی پر طنز کرتے ہوئے اکھلیش نے کہا کہ کسانوں کو کچل دیا گیا ہے۔ اس کے بعد وہ قوانین کو کچل رہے تھے۔ اگر انہیں دوبارہ موقع دیا گیا تو وہ آئین کو بھی کچل سکتے ہیں۔ کسان مایوس ہیں، ان کی آمدنی دگنی نہیں ہوئی، لیکن مہنگائی بڑھ گئی ہے۔
اکھلیش یادو نے کہا کہ 2022 میں تبدیلی آنی ہے، لوگ تبدیلی چاہتے ہیں۔ گزشتہ ساڑھے چار برسوں میں بھارتیہ جنتا پارٹی نے اپنے ریزولیوشن لیٹر کو پلٹ کر بھی نہیں دیکھا۔ کون سی حکومت ہے جو اپنے وعدے پورے نہیں کرتی؟ آج جو کسان احتجاج کر رہا ہے وہ اس لیے احتجاج کر رہا ہے کہ اس کی آمدنی دوگنی نہیں ہوئی، اس کی خوشحالی کے لیے فیصلے نہیں ہوئے۔
قومی صدر نے کہا کہ بھارتیہ جنتا پارٹی ان قوانین کو نافذ کرنا چاہتی ہے، جس کے بعد کسان کی کھیتی چھین لی جائے گی۔ کسان تین کالے قوانین کو واپس لینے کے لیے حکومت کے خلاف مسلسل احتجاج کر رہے ہیں۔ ملک بھر کے کسانوں میں ناراضگی ہے کہ جہاں خوشحالی کے لیے ان کے درمیان قانون آنا چاہیے تھا وہیں قانون ان کی زمین چھیننے کے لیے آئے ہیں۔
اکھلیش یادو نے کہا کہ کسان ناخوش ہیں۔ مہنگائی اپنے عروج پر ہے۔ پیٹرول ڈیزل 100 سے اوپر ہے۔ پٹرولیم کمپنیوں کے منافع میں اضافہ ہوا ہے۔ بی جے پی سرکاری اداروں کو بیچ رہی ہے۔ بی جے پی نے ساڑھے چار سالوں میں ریاست کو برباد کر دیا ہے۔ صرف نام بدلنے کا ہی کام کیاہے۔ وزیر اعظم نے کشی نگر میں جس ایئر پورٹ کا افتتاح کیا ہےوہ سماج وادی پارٹی کی دین ہے ۔
قومی صدر اکھلیش یادو نے کہا کہ میں جب بھی کشی نگر آیا ہوں، ریاست میں ایس پی کی حکومت بنی ہے۔ لوگ تبدیلی چاہتے ہیں، تبدیلی ضروری ہے۔ بی جے پی ایک ایسی حکومت ہے جو اپنے عزم کو پورا نہیں کرتی، ایس پی کی حکومت آئی تو سب کی خوشحالی کے لیے فیصلے کئے جائیں گے۔
انہوںنے کہا کہ جس کمپنی نے سردار پٹیل اور رام جنم بھومی مندر کی تعمیر کرنے والے ٹھیکیدار کو نکال دیا ہے۔ آج ایکسپریس وے پر جہاز اتارنے کا کام بی جے پی کر رہی ہے،وہ ایس پی ماضی میں کر چکی ہے۔ ریاست میں تبدیلی کا فیصلہ کیا گیا ہے۔ بی جے پی حکومت میں لاء اینڈ آرڈر ٹھیک نہیں ہے۔ انہوں نے بی جے پی کو پولیس حراست میں مزید اموات والی سرکار بتائی۔ ریاست کےگورکھپور ،آگرہ، ہاتھرس سمیت کئی مقامات پر ہوئی حراست موت پر تشویش کااظہار کیا۔ انہوں نے کہا کہ ایس پی سرکار میں آئی تو پردیش پولیس حساس اور اسمارٹ پولیسنگ سسٹم بنایاجائے گا۔
وزیر اعلیٰ کا نام لیے بغیر ایس پی کے قومی صدر نے کہا کہ حکومت بنتے ہی ٹھکو راج ختم ہو جائے گا۔ بی جے پی سب سے زیادہ جھوٹ بولتی ہے۔ عوام الیکشن میں بی جے پی کے جیم اور جھوٹ کا جواب دینے والے ہیں۔ بی جے پی صرف پھینکو ہی نہیں بیچوسرکار ہے۔ چچا شیوپال کےساتھ انتخاب مل کر لڑنے کے سوال پر کہاکہ تمام چھوٹی و علاقائی پارٹیوں کے ساتھ لڑیں گے۔ خواتین کو ریاستی انتخاب میں خواتین کی شرکت کے سوال پر انہوں نے کہا کہ جتاؤ خواتین کو ایس پی ٹکٹ دے گی۔
