کوالالمپور –( مرکز اطلاعات فلسطین)
ملائیشیا کے وزیر اعظم انور ابراہیم نے فلسطینی کاز کی حمایت اور مختلف بین الاقوامی فورمز پر فلسطینی عوام کی حمایت کے لیے اپنے ملک کے مکمل عزم کا اعادہ کرتے ہوئے اس بات پر زور دیا ہے کہ ملائیشیا کسی بھی حالت میں اسرائیل کو تسلیم نہیں کرے گا۔ ابراہیم نے الجزیرہ مباشر کے ساتھ ایک انٹرویو میں کہاکہ اسرائیل کے خلاف اپنے اعلان کردہ موقف کی وجہ سے وہ بہت زیادہ دباؤ کا شکار ہیں، لیکن انہوں نے زور دیا کہ ان کا ملک بغیر کسی تبدیلی کے اس طرز عمل کو جاری رکھے گا۔اپنی گفتگو میں ملائیشیا کے وزیر اعظم نے اسلامی تحریک مزاحمت ’حماس‘ کے پولیٹیکل بیورو کے سابق سربراہان اسماعیل ہنیہ اور یحییٰ السنوار کے کیریئر کا موازنہ جنوبی افریقہ کے آنجہانی رہنما نیلسن منڈیلا کے کیرئیر سے کیا جنہوں نے اپنے ملک کو دہشت گردی سے آزاد کرانے کے لیے نسل پرست نظام کے خلاف جدوجہد کی۔
ابراہیم نے اسرائیل کو اقوام متحدہ سے نکال باہر کرنے کی ضرورت پر زور دیتے ہوئے کہا کہ ملائیشیا اس وقت فلسطینیوں کے خلاف جاری اسرائیلی جرائم کے تناظر میں اقوام متحدہ کی جنرل اسمبلی میں پیش کی جانے والی قرارداد کے مسودے پر کام کر رہا ہے جس میں شہریوں اور ہسپتالوں کو نشانہ بنانے کی مذمت شامل ہے۔ ملائیشیا نے بین الاقوامی عدالت انصاف میں بھی درخواست جمع کرائی کہ اسرائیل کو غزہ کی پٹی میں اس کے جرائم کا جوابدہ ٹھہرایا جائے اور اس بات پر زور دیا کہ وہ تمام علاقائی اور بین الاقوامی فورمز پر اپنی قانونی اور سفارتی کوششیں جاری رکھے گا۔
انور ابراہیم نے کہا کہ "ہم نے فلسطینی عوام کے حقوق کی حمایت، ان کی آزاد ریاست کے قیام اور ان کے المیے کو ختم کرنے کے لیے دنیا کے ہر فورم پر آواز بلند کرتے رہیں گے۔
پیرو میں ایشیا پیسیفک اکنامک کوآپریشن APEC) ) کے سربراہی اجلاس میں انور ابراہیم نے امریکی صدر جو بائیڈن اور ان کے وزیر خارجہ انٹونی بلنکن کے سامنے فلسطین کی حمایت میں اپنے ملک کے مؤقف کا اظہار کیا، لیکن انہوں نے کہا کہ امریکہ نےان کی بات نہیں سنی۔
ہم اسرائیل کو کسی بھی حالت میں تسلیم نہیں کریں گے:ملائیشیا
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔
