نئی دہلی :
بھارتیہ جنتا پارٹی کے قومی ترجمان سمبت پاترا ٹی وی ڈبیٹ میں ایک بار پھر کانگریس کے ترجمان سے بھڑ گئے ہیں،لیکن اس بار انہوں نے اپنا غصہ اینکر پر نکالا ہے۔ دراصل نیوز 18انڈیا کے ڈبیٹ شو ’ آر- پار‘ میں کانگریس کےترجمان مکیش شرما نے سمبت پاترا کے لیے ’گٹر پاترا‘ الفاظ کااستعمال کردیا جس پر سمبت یاترا بری طرح بھڑ ک گئے اور شو کے اینکر امیش دیوگن سے کہنے لگے کہ وہ ان کے ڈبیٹ شو کا بائیکاٹ کرتے ہیں۔
واضح رہے کہ ڈبیٹ وزیر اعظم مودی کے ذریعہ ملک کو خطاب میں کہی گئی اہم باتوں پر ہورہی تھی۔ سمبت پاترا نے اسی دوران راہل گاندھی کو لے کر کہاکہ راہل گاندھی کے دوست انہیں ’ ٹٹہری چڑیا‘ بنا چکے ہیں۔ ان کی یہ بات سنتے ہی کانگریس لیڈر بھڑک گئے اور بولے ،’ گٹر پاترا‘ جی کو میں ہدایت دیتا ہوں، راہل گاندھی جی ملک کے لیڈر ہیں ، آپ کے وزیراعظم کی بنیاد جڑی ہے راہل گاندھی کے نام سے،آپ معافی مانگیں۔ ‘
سمبت پاترا مکیش شرما کی بات سن کر بہت غصہ میں آگئےاور امیش دیوگن سے کہا ، ‘امیش بھائی آپ اینکر ہیں ، آپ کا ایک چینل ہے اور اس طرح کی گالی آپ کے چینل میں دی جائے گی اور آپ اسے آن ایئر کریں گے ، میں اس پر اعتراض کرتا ہوں، امیش بھائی آپ بے بس نہیں بیٹھ سکتے ، یہ بہت غلط بات ہے۔
امیش دیوگن نے دونوں ہی ترجمانوں کو خاموش کراتے ہوئے کہاکہ ، دیکھئے مکیش جی ، آپ بھی ایک پارٹی کے قومی ترجمان ہیں اور وہ برسراقتدار پارٹی کے قومی ترجمان ہیں۔ کسی کو گٹر پاترا بولانا ، آپ کو زیب نہیں دیتا۔ زبان کی حدیںبنائے رکھیں۔ کانگریس ترجمان پھر بھی نہیں روکے، وہ لگاتار کہے رہےتھے کہ سمبت پاترا کایہ نام ملک کا بچہ -بچہ جانتا ہے ۔
اس پر سمبت پاترا نے کہا ، ‘آپ خط لکھ کربتائے امیش بھائی۔ آپ ہمارے ٹائٹل کو بگاڑ دیں گے۔ میں اڑیا لڑکاہوں۔ ہمیں گٹر بلائیں گے۔ کیااڑیا لوگ گٹر کی پیدائش ہے؟ آپ ہمیں اس طرح سے گالی دیں گے اور ہم آپ کو سنے۔ ہم آپ کے ڈبیٹ کابائیکاٹ کرتے ہیں۔ اگر آپ سے مینج ہوتا ہے تو ٹھیک نہیں تو میں بائیکاٹ کرتا ہوں۔ میں نہیں چاہتا ہوں کہ ایسے لوگوں کے ساتھ ڈبیٹ کرتا رہوں۔ میں نہیں چاہتا ہوں ایسے لوگوں کے ساتھ ڈبیٹ کرنا جو اس طرح کی گالی گلوج کی سیاست کرتے ہیں۔
