تروپتی لڈو کیس میں  پریس کے پاس کیوں گئے، بھگوان کو تو سیاست سے دور رکھیں : سپریم کورٹ

آندھرا پردیش کے تروپتی میں سامنے آئے لڈو تنازعہ کی آج سپریم کورٹ میں سماعت ہو رہی ہے۔ اس معاملے کی سماعت کرتے ہوئے سپریم کورٹ نے کہا کہ کم از کم بھگوان کو تو سیاست سے دور رکھیں۔ جسٹس بھوشن آر گوائی اور جسٹس کے وی وشواناتھن کی بنچ کے سامنے سبرامنیم سوامی کے وکیل نے کہا کہ لڈو بنانے والی اشیاء بغیر جانچ کے کچن میں جا رہی  تھیں۔ یہ تحقیقات سے پتہ چلا۔ سسٹم کو اس کی نگرانی کا ذمہ دار ہونا چاہیے کیونکہ یہ دیوتا کے لیے ایک پرساد  ہے اور عوام اور بھکتوں  کے لیے سب سے زیادہ پوترہے۔
کورٹ میں داخل کردہ درخواستوں میں آندھرا پردیش کے وزیر اعلی چندرا بابو نائیڈو کے الزامات کی عدالت کی نگرانی میں تحقیقات کا مطالبہ کیا گیا ہے۔ ان کا دعویٰ ہے کہ تروپتی مندر میں جانوروں کی چربی اور مچھلی کے تیل کا استعمال لڈو بنانے میں کیا جاتا تھا۔ دریں اثنا، ریاستی حکومت کی ایک سوسائٹی لڈو میں استعمال ہونے والے پرسادم اور گھی کے معیار کو جانچنے کے لیے تروپتی میں ہے۔
*عدالت نے سوالات اٹھائے۔
جسٹس بی آر گاوائی نے آندھرا پردیش حکومت کی طرف سے پیش ہوئے سینئر ایڈوکیٹ مکل روہتگی کے سوال کا جواب دیتے ہوئے کہا کہ جب آپ آئینی عہدہ رکھتے ہیں تو آپ سے یہ توقع کی جاتی ہے کہ دیوتاؤں کو سیاست سے دور رکھا جائے گا۔ عدالت نے روہتگی سے یہ بھی پوچھا، "آپ نے ایس آئی ٹی کے لیے حکم دیا، نتائج آنے تک پریس کے پاس جانے کی کیا ضرورت ہے؟ آپ ہمیشہ ایسے معاملات میں پیش ہوتے رہے ہیں، یہ دوسری بار ہوا ہے۔”