ڈھاکہ: وزیر اعظم نریندر مودی نے ہفتہ کے روز ‘’ہمسایہ پہلے‘ پالیسی کے تحت بنگلہ دیش کو 109 ایمبولینس اور 12 لاکھ کورونا ویکسین کی ڈوز سونپیں۔ وزیر اعظم مودی بنگلہ دیش کی 50 سالہ آزادی کے موقع پر منعقدہ تقریب میں شرکت کے لئے 2 روزہ ہمسایہ ملک کے دورے پر ہیں۔دریں اثناء بنگلہ دیش کی وزیر اعظم شیخ حسینہ نے وزیر اعظم نریندر مودی کو بنگ بندھو شیخ مجیب الرحمن کی برسی کی صد سالہ تقریب کے موقع پر جاری سونے چاندی کا ایک ایک سکہ پیش کیا۔ وزیر اعظم نریندر مودی بنگلہ دیش کی آزادی کے 50 سال مکمل ہونے کے موقع پر ہمسایہ ملک کے دو روزہ دورے پر گئے ہیں۔ دورے کے دوسرے دن ہفتہ کے روز وزیر اعظم مودی نے بنگلہ دیش کی وزیر اعظم شیخ حسینہ سے دوطرفہ بات چیت کی۔ آج شام وزیر اعظم ملک روانہ ہوگئے۔
قبل ازیں وزیر اعظم مودی ہفتے کے روز اورمتوا کمیونٹی کے مندر پہنچے ، جہاں انہوں نے پوجا ارچنا کی۔ اوراکانڈی میں پی ایم مودی نے کہا ، ‘میں کئی سالوں سے اس موقع کا منتظر تھا۔ 2015 کے بنگلہ دیش کے سفر کے دوران میں نے اورا کانڈی آنے کی خواہش کا اظہار کیا تھا اور یہ خواہش پوری ہوگئی۔کورونا بحران کے درمیان پی ایم مودی ایک سال سے بھی زیادہ عرصہ کے بعد اپنے پہلے غیر ملکی دورے پر ہیں۔ اپنے دورے کے پہلے دن پی ایم مودی نے بنگلہ دیش کے قومی دن کے پروگرام میں حصہ لیا۔ سوار میں شہیدوں کی یادگار کا بھی دورہ کیا ۔
109 ایمبولینس اور12 لاکھ کورونا ویکسین بنگلہ دیش کو عطیہ
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔