نئی دہلی:(ایجنسی)
مشہوربالی ووڈ اداکار سونو سود کےممبئی واقع دفاتر پر ٹیکس کی چھاپہ ماری بدھ دیر رات ختم ہوئی ، محکمہ انکم ٹیکس کےحکام نے مبینہ طور پر ادا کار سے منسلک چھ مقامات کی تلاشی میں 20 گھنٹے گزارے۔ ذرائع کے مطابق محکمہ انکم ٹیکس سونو سود کے لکھنؤ کی ایک رئیل اسٹیٹ کمپنی کے ساتھ ہوئے سودے کی جانچ کررہاہے ۔ ذرائع نے دعویٰ کیا کہ سونو سود کی کمپنی اور لکھنؤ کی ایک رئیل اسٹیٹ فارم کے درمیان حالیہ سودا جانچ کے دائرے میں ہے ۔ اس سودے پر ٹیکس چوری کے الزامات پر یہ آئی ٹی حکام پہنچے ۔ اسے انکم ٹیکس سروے بولا جارہاہے ۔
بتادیں کہ ممبئی میں مشہور لیڈر سونو سود نے کورونا دور میں جس طرح سے عام انسانوں کی دل کھل کر مدد کی ، لوگ انہیں مسیحا کہنے لگے ، بدھ کو حیران کرنے والی خبر آئی ہے ۔ سونو سود سے منسلک مقاماتپر انکم ٹیکس کی چھاپہ ماری ہوئی ہے۔ سونو کی حمایت میں ان کے فینس اور لیڈر اتر آئے ہیں۔ سی ایم اروند کیجریوال نے ٹویٹ کیا ہے کہ سچائی کی جیت ہوگی۔محکمہ انکم ٹیکس کی اس ریڈ کی ٹائمنگ کو لے کر سوال اٹھ رہے ہیں ۔ سونو سود نے حال ہی میں دہلی کے وزیر اعلیٰ اروند کیجریوال سے ملاقات کی تھی۔ ساتھ ہی وہ دہلی سرکار کے ملک کے منیٹر پروگرام کے برانڈ ایمبیسڈر بھی بنے تھے ۔
دہلی کے سی ایم اروند کیجریوال نے ٹویٹ کیا کہ سچائی کے راستے پر لاکھوں مشکلیں آتی ہے، لیکن جیت ہمیشہ سچائی کی ہوتی ہے ۔ سونو سو کے ساتھ بھارت کے ان لاکھوں پریواروں کی دعائیں ہے جنہیں مشکل گھڑی میں سونو سود کا ساتھ ملا تھا۔
لیڈر اور رکن پارلیمنٹ سنجے سنگھ نے کہاکہ مجھے یہ جان کر حیرانی ہورہی ہے کہ جس شخص نے کورونا کے دوران دن رات لگا کر لوگوں کے لئے کام کیا، لوگوں کی جان بچانے کے لیے کام کیا،اپنے گھر کے سامان کو گروی رکھ کر لوگوں کی مدد کی، اس کے گھر میں انکم ٹیکس کے چھاپے مارے جارہے ہیں ۔ آخر آپ پیغام کیا دینا چاہتے ہیں۔ اس ملک میں جس شخص کو سرکار کو اعزاز کرنا چاہئے اس کے یہاں چھاپے پڑ رہے ہیں ۔ انہوںنے کہاکہ کورونا دور میں جن کی سرکاروں میں گنگا ندی میں لاشوں تیرتی رہیں، چیل -گوے انہیں نوچتے نظر آئے اور جو آدمی دن رات لوگوں کے لیے کام کررہا ہے ، مدد کررہاہے ، اس کےیہاں آپ چھاپے ڈلوا رہے ہیں ۔ یہ بہت ہی شرمناک واقعہ ہے اور مودی سرکار کی جتنی مذمت کی جائے کم ہے ۔
