امریکی صدر ڈونلڈ ٹرمپ نے ایک بار پھر دعویٰ کیا ہے کہ ان کی مداخلت سے پاکستان اور بھارت کے درمیان بڑھتی ہوئی کشیدگی کو روکا جا سکا تھا۔ ٹرمپ نے کہا کہ پہلگام حملے کے جواب میں ہندوستان کے ‘آپریشن سندور’ کے بعد دونوں ممالک کے درمیان صورتحال بہت سنگین ہوگئی تھی، لیکن ان کی مداخلت سے تنازعہ ٹلا۔ٹرمپ نے ایک بیان میں کہا، ‘ہم نے بہت سی جنگیں روکیں۔ اور یہ چھوٹی جنگیں نہیں تھیں۔ پاکستان اور بھارت کے درمیان حالات بہت سنگین ہو چکے تھے۔ طیارے مار گرائے جا رہے تھے۔ میرے خیال میں تقریباً پانچ لڑاکا طیارے مار گرائے گئے۔ یہ دونوں ایٹمی ہتھیاروں سے لیس ملک ہیں اور ایک دوسرے پر حملے کر رہے تھے۔’
ان کا مزید کہنا تھا کہ یہ ایک ‘نئی قسم کی جنگ’ جیسی صورتحال بن گئی ہے، جیسا کہ امریکہ نے ایران کے ساتھ کیا تھا۔ ٹرمپ نے دعویٰ کیا کہ ‘ہم نے ایران کی جوہری صلاحیت کو مکمل طور پر تباہ کردیا۔’
تجارت کے ذریعے تنازعات کو حل کرنے کا دعویٰ
ہندوستان اور پاکستان کے بارے میں ان کا کہنا تھا کہ ‘صورتحال مسلسل بگڑ رہی تھی، اور ہم نے اسے تجارت کے ذریعے حل کیا۔ ہم نے کہا – اگر آپ لوگ ہتھیار (اور شاید جوہری ہتھیار) استعمال کرتے رہیں گے تو ہم کوئی تجارتی معاہدہ نہیں کریں گے۔’ٹرمپ نے پوری گفتگو میں یہ نہیں بتایا کہ کس کے طیارے مار گرائے گیے اور کس کو نقصان پہنچا مگر انہوں نے جنگ کی سنگینی کی طرف ضرور اشارہ کیا
پاک بھارت جنگ میں 5 لڑاکا طیارے مار گرائے گئے، ڈونلڈ ٹرمپ نے ایک بار پھر جنگ روکنے کا دعویٰ دہرایا
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔