لکھنؤ : (ایجنسی)
کسانوں کو بڑی راحت دیتے ہوئے اترپردیش کی یوگی سرکار نے پرال جلانے سے متعلق تمام کیس واپس لینے کا فیصلہ کیا ہے ۔ ساتھ ہی یوگی سرکار نے اعلان کیا ہے کہ کسانوں سے جرمانہ بھی نہیں وصول کیا جائے گا۔ کسانوں سے مخاطب ہونے کے بعد وزیر اعلیٰ یوگی آدتیہ ناتھ نے افسران کو حکم دیا ہے کہ بجلی بقایا ہونے کی وجہ سے کسی بھی کسان کی بجلی کی سپلائی بند نہ کی جائے ۔
وزیر اعلیٰ نے کہاکہ پرال جلانے کی وجہ سے کسانوں پر جو کیس درج کئے گئے تھے ، سرکار انہیں واپس لے لے گی اور جرمانہ بھی نہیں وصول کیا جائے گا۔ ساتھ ہی جن سے جرمانہ لے لیا گیا ہے ، انہیں واپس کردیا جائے گا۔ سی ایم یوگی نے کسانوں سے یہ بھی دعویٰ کیا کہ گنے کی نئی فصل سے پہلے پرانے بقایا کی پوری ادائیگی کی جائے گی۔
یوگی نے کہاکہ اترپردیش کے مغربی علاقے اور وسطی علاقے اور مشرقی علاقے کی تین شوگر ملیں نومبر تک شروع ہوسکیں، اس پر اترپردیش سرکار تیزی سے کام کررہی ہے ۔ اترپردیش میں سال 2010 سے 2017 تک گنے کی قیمت بقایا تھی ۔ گزشتہ ساڑھے چار سال میں سرکار نے 1,42,000کروڑ گنے کی قیمت کی ادائیگی کی گئی ہے ۔ موجودہ سیزن کی بھی 82 فیصد سے زیادہ قیمت کی ادائیگی ہو چکی ہے ۔
اپوزیشن پارٹیوں کی بات کرتے ہوئے سی ایم یوگی نے کہاکہ وہ سیاسی مفادات کی خاطر کسانوں کی بات کرتے ہیں۔ وہیں بی جے پی نے 2014 کے بعد سے ہی وزیر اعظم نریندر مودی کی قیادت میں کسانوں کی آمدنی دوگنا کرنے کی جانب کوشش کی ہے۔
کورونا کی بات کرتے ہوئے انہوں نے کہاکہ اس وفا نے پوری دنیا کو متاثر کیا ہے ، حالانکہ کسانوں نے اس بحران کا جم کر سامنا کیا ۔ کورونا بحران کے وقت بھی شوگرملیں اپنا کام کرتی رہیں اور کسان فصل اگاتے رہیں۔
