نئی دہلی : (ایجنسی)
ہندی نیوز چینل ’آج تک‘ کی اینکر انجنا اوم کشیپ ایک بار پھر اپنی ایک ویڈیو کولے کرسوشل میڈیا صارفین کے نشانے پر آگئی ہیں ، لوگ اسے ٹرول کرتے ہوئے مزے لے رہے ہیں۔ درحقیقت جب انجنا اوم کشپ اچانک نوجوان بھارتی سفارتکارا سنیہا دوبے کا انٹرویو لینے گئی تو انہوں نے ان سے بات کرنے سے انکار کر دیا اور اینکر کو گیٹ سے باہر جانے کو کہا۔ کشیپ کو دروازہ دکھائے جانے کی ویڈیو آج تک پر لائیو نشر کی گئی،جو اب سوشل میڈیا پر وائرل ہورہی ہے ۔ اس دوران ٹی وی پر چترا ترپاٹھی بھی لائیو تھی ۔
سوشل میڈیا پر وائرل ہونے والی ایک ویڈیو میں انجنا اوم کشیپ کو اس کمرے میں داخل ہوتے دیکھا جا سکتا ہے ،جہاں بھارت کی فرسٹ سکریٹری اسنیہا دوبے بیٹھی تھیں۔ کشیپ کی معاون چترا ترپاٹھی نے آج تک کے ناظرین کے لیے اعلان کرتے ہوئے کہاکہ’’ آج بھارت نے جس طرح سے پاکستان کو جواب دیا اورخاتون اول اسنہیا دوبے نے کیا کہا۔ انجنا براہ راست ان سے بات چیت کریں گی ۔‘’
اس کےبعد کشیپ نے ایک کمرے میں داخل ہوئی ،جہاں اسنیہا دوبے بیٹھی نظر آرہی ہیں۔ بعد میں انہوں نے کہا ،اس وقت آج تک پر ہمارے ساتھ اسنیہا دوبے موجود ہے۔ اسنیہا دوبے وہی افسر ہیں جنہیں ملک نے بڑے فخر سے سنا تھا۔ میں جانتی ہوں کہ آپ آن ریکارڈ بات نہیں کرنا چاہیں گی ،لیکن پور بھارت آپ کی بات سننا چاہتا ہے ۔ یہ آپ کے لیے معمول کاکام ہو سکتا ہے ،لیکن یہ ایک بڑی بات ہے ۔
اس کے بعد جو کچھ ہوا وہ آج تک کی اینکر کے لیے ایک رسوائی کے سوا کچھ نہیں تھا۔ کیونکہ اسنیہا اپنی کرسی سے اٹھیں اور کشیپ کو ہاتھ جوڑ کر دروازہ دکھایا۔ اسٹار ڈپلومیٹ نے کہا کہ مجھے جو کچھ بھی کہنا تھا ، میں پہلے ہی کہہ چکی ہوں۔ دروازے کی طرف اشارہ کرتے ہوئے انہوں نے ایک بار پھر کشیپ کو باہر جانے کو کہا۔ جس کے بعد کشیپ کے پاس باہر نکلنے کے علاوہ کوئی چارہ نہیں تھا۔
یہ ویڈیو منظر عام پر آتے ہی انجنا اوم کشیپ سوشل میڈیا یوزر س کے نشانے پر آگئی۔ لوگوں نے انہیں ٹرول کرنا شروع کردیا۔ لوگ انجنا اوم کشیپ کو یہ کہہ کر بری طرح ٹرول کررہے ہیں کہ وہ اسنہیا کے کمرے میں صرف ٹی آر پی کے لیے استعمال کرنے کی کوشش کررہی تھیں ، لیکن اسنیہا نے بات کرنے سے انکار کرتے ہوئے اپنا راستہ دکھایا ۔
