لکھنؤ :(ایجنسی)
ایس پی سربراہ اکھلیش یادو اتر پردیش اسمبلی انتخابات کے تیسرے مرحلے کی تشہیر کرتے نظر آ رہے ہیں۔ اپنی عوامی میٹنگوں کے دوران اکھلیش یوپی کے سی ایم یوگی آدتیہ ناتھ پر شدید حملہ کر رہے ہیں۔ سی ایم یوگی کے پرانے وعدے کو یاد دلاتے ہوئے انہوں نے کہا کہ اس بار بندیل کھنڈ کے لوگ انہیں کھنڈ- کھنڈ (ٹکڑے ٹکڑے )کر دیں گے۔
سی ایم یوگی پر طنز کرتے ہوئے اکھلیش نے لکھا، ’جھانسی میں شین کررہے باباجی کا دھیان رکھیں… کہیں وہ سپنوں میں اٹھ کر اس ہوا- ہوالی جھانسی – دہلی ایکسپریس وے پر یا جھانسی میٹرو میں سفر کرنے نہ چلے جائیں جس کا جھوٹا ووعدہ انہوں نے وزیر اعلیٰ بننے کےبعد جھانسی سے کیاتھا۔ اس بار بندیل کھنڈ کےعوام ان دھوکہ دینے والوں کو کھنڈ- کھنڈ کردیں گے ۔
ایس پی سربراہ کے ٹویٹ پر سوشل میڈیا صارفین نے اپنا ردعمل دیا ہے۔ کچھ صارفین نے ان پر طنزیہ ٹویٹ کیا تو کچھ صارفین نے ان کے الفاظ کی حمایت کی۔ کرن نامی صارف نے لکھا کہ بابا جی کی فکر کرنا چھوڑ دیں۔ یوپی کے لوگوں نے بھی آپ کی حکمرانی دیکھی ہے۔ منجیت یادو نامی صارف نے لکھا کہ آپ ٹھیک کہہ رہے ہیں۔ انہوں نے صرف ایک جملہ دیا ہے۔
امت شکلا نامی صارف نے تبصرہ کیا – اس بار یہ نہ کہا جائے کہ جھانسی میں میٹرو بنانے کا منصوبہ ہمارا تھا۔ جس کا بابا جی نے وعدہ کیا تھا۔ دیپک موریہ نامی صارف نے بندیل کھنڈ ایکسپریس وے پر ہو رہے کام کی تصویر شیئر کرتے ہوئے لکھا کہ ایس پی حکومت کی طرح یوگی حکومت بھی جھوٹے وعدے نہیں کرتی ہے۔ یوگیش یادو نامی صارف نے لکھا کہ کھسیانی بلی کھمبا نوچے۔
بتادیں کہ یوگی آدتیہ ناتھ نے 16 فروری کو جھانسی میں ایک جلسہ عام سے خطاب کیا تھا۔ اس دوران انہوں نے کہا تھا کہ وہ کوئی کام ادھورا نہیں چھوڑتے جبکہ غزوہ ہند کا خواب قیامت کے دن بھی شرمندہ تعبیر نہیں ہو گا۔ اہم بات یہ ہے کہ یوپی میں دو مرحلوں میں ووٹنگ کا عمل مکمل ہو چکا ہے۔ تیسرے مرحلے کی پولنگ 20 فروری کو 16 اضلاع کی 59 نشستوں پر ہوگی۔ سات مرحلوں میں ہونے والے یوپی انتخابات کے نتائج کا اعلان 10 مارچ کو کیا جائے گا۔
