بلند شہر :(ایجنسی)
سکندر آباد کے محلہ رسالد اران واقع آستانہ عالیہ درگاہ حاجی بابا مسکین شاہ تاجی علیہ الرحمہ میں چہلم کے موقع پر حاجی بابا سید فرید الدین مسکینی (مرحوم) کے خلیفہ حافظ ڈاکٹر سید عمر احمد مسکینی کی رسم سجادگی (دستار بندی) تقریب کاانعقاد کیا گیا۔ جس میں دیگر خانقاہوں اوردرگاہوں کےسجادہ نشین اور سلسلے سے تعلق رکھنے والے لوگوں نے نومنتخب سجادہ نشین سید عمر احمد مسکینی کی دستار بندی کرتے ہوئے انہیں اپنی دعاؤں سے نوازا۔
تقریب میں مہمان خصوصی کے طور پر بلند شہر کے قصبہ ڈبائی واقع درگاہ شاہ ولایت کے سجادہ نشین قاضی عبدالحنان نے سید عمر احمد مسکینی کو مبارکباد پیش کرتے ہوئے کہاکہ سید عمر مسکینی اپنی صلاحیتوں اور سلسلہ عالیہ تاجیہ کے سلسلے کو آگے بڑھانے اور لوگوں کو فیض پہچانے میںاہم کردار ادا کریں گے ۔
تقریب کے سرپرست سلسلہ عالیہ مسکینیہ تاجی کے سرپرست سید تاج الدین مسکینی نے تمام حاضرین اورمہمانان کا شکریہ ادا کیا۔ اس موقع پر پیرزادہ سید محمد حسنین شاہ، پیر زادہ سید فضل مصطفیٰ مسکینی، پیر زادہ سید ولی احمد شاہ مسکینی، پیرزادہ سید حیدر شاہ مسکینی ، پیر زادہ سید خسرو احمد مکسینی سمیت خانوادہ سلسلے سے وابستہ لوگ خصوصی طور پر شریک رہے ۔
