مقدمہ ہوتے ہی بجرنگ منی کی ’گرمی‘ نکل گئی ،معافی مانگی

سیتا پور :(ایجنسی)

نو سموتسر کے موقع پر خیر آباد میں واقع بڑی سنگت کے مہنت بجرنگ منی داس نے ایک متنازع بیان دیا تھا۔ اس واقعہ کی ویڈیو وائرل ہونے کے بعد پولیس نے ایف آئی آر درج کر لی تھی۔ اب مہنت بجرنگ منی نے اپنے بیان پر معافی مانگ لی ہے۔ معافی مانگتے ہوئے مہنت نے ایک ویڈیو بھی جاری کیا ہے۔

معافی مانگتے ہوئے مہنت نے کہا ہے کہ اگر میری کسی بات سے انہیں تکلیف پہنچی ہے تو میں تمام ماؤں بہنوں سے معافی مانگتا ہوں۔ میں تمام خواتین کا احترام کرتا ہوں۔

بتا دیں کہ سیتا پور کے خیر آباد میں واقع بڑی سنگت کے مہنت بجرنگ منی داس کی ایک ویڈیو وائرل ہوئی تھی۔ ویڈیو میں بجرنگ منی ایک کمیونٹی کی خواتین کے خلاف نازیبا تبصرہ کر رہے تھے۔ وائرل ویڈیو 2 اپریل کا بتائی جا رہی ہے۔ کہا جا رہا ہے کہ انہوں نے یہ تبصرہ نو سموتسر کے موقع پر نکالے گئے جلوس کے دوران کیا تھا۔ پولیس نے ایف آئی آر درج کر لی ہے۔

حال ہی میں وائرل ہوئی بجرنگ منی داس کی ویڈیو میں وہ بھیڑ کے سامنے ایک کمیونٹی کی خواتین اور بیٹیوں کو گھر سے اٹھا کر ریپ کرنے کی بات کر رہے تھے۔ یہ ویڈیو ٹوئٹر پر کسی نے شیئر کی تھی۔ اس کے بعد معاملہ پولیس کے نوٹس میں آیا۔ فی الحال اس معاملے کی جانچ اے ایس پی سیتا پور کو سونپی گئی ہے۔

بتا دیں کہ مہنت بجرنگ منی داس کافی چرچے میں ہیں۔ ویڈیو وائرل ہونے سے پہلے بجرنگ منی بھی داس سنگت کی زمین پر ناجائز قبضے کو لے کر کافی بحث میں رہے تھے۔ ان کے یہاں مقامی رہنماؤں کا ایک کافی اجتماع لگا رہتا ہے۔

ویڈیو وائرل ہونے کے بعد پولیس کی جانب سے کہا گیا کہ اس معاملے میں علاقہ کے افسر کو تحقیقات اور ضروری کارروائی کی ہدایت دی گئی ہے۔ ساتھ ہی پولیس نے کہا کہ متعلقہ افراد کے خلاف خیرآباد پولیس اسٹیشن میں قواعد کے مطابق مناسب دفعات کے تحت شکایت درج کی گئی ہے۔ دستیاب شواہد کی بنیاد پر کارروائی کی جائے گی۔