بی جے پی مسلمانوں کے خلاف جنگ چھیڑ رکھی ہے:اویسی

’کانگریس،آپ، شیوسینا میں سب سے بڑا ہندو دکھانے کی ہوڑ ‘

نئی دہلی :(ایجنسی)

حیدرآباد کے رکن پارلیمنٹ اور آل انڈیا مجلس اتحاد المسلمین (اے آئی ایم آئی ایم) کے سربراہ اسد الدین اویسی نے کہا ہے کہ بھارتیہ جنتا پارٹی (بی جے پی) نے ملک میں مسلمانوں کے خلاف جنگ چھیڑ رکھی ہے، جب کہ کانگریس، عام آدمی پارٹی اور شیوسینا جیسی اپوزیشن جماعتوں کے درمیان بڑیہندوتنظیم دکھانے کی ہوڑ سی مچی ہے ۔

انہوں نے یہ باتیں ‘’انڈین ایکسپریس‘ کو دیے گئے ایک انٹرویو میں کہی، جس میں اے آئی ایم آئی ایم کے سربراہ نے ملک میں فرقہ وارانہ تشدد کے واقعات کے بارے میں کھل کر اپنی رائے کا اظہار کیا۔ جب پوچھا گیا کہ آپ ان واقعات کو کیسے دیکھتے ہیں؟ اس پر اویسی نے کہا – ’جہاں بھی بی جے پی اقتدار میں ہے، وہاں کوئی دکھاوا نہیں بچا ہے۔ وہ کھلے عام دعویٰ کر رہے ہیں کہ وہ مسلم کمیونٹی کے خلاف متعصب رہیں گے۔‘

اویسی نے کہا، ’ان لوگوں (بی جے پی والوں) نے مسلم کمیونٹی کے خلاف جنگ چھیڑ رکھی ہے۔ دوسری بات ایسا اس لئے کیونکہ ان کے سامنے مقابلے کی سیاست ہے ۔ کانگریس، آپ اور شیو سینا بھی سامنے ہیں اور یہ سب خود کو بڑا ہندو ثابت کرنے کی کوشش میں لگی ہیں۔ ‘

واقعات کا ذکر کرتے ہوئے انہوں نے مزید کہا – کرولی (راجستھان) میں کیا ہوا؟ جھارکھنڈ میں کیا ہوا؟ مہاراشٹر میں کیا ہوا؟…یہ کبھی نہ ختم ہونے والا عمل ہے ۔ چونکہ باقی تمام پارٹیوں کا نظریہ اب واضح طور پر نظر نہیں آتا، اس لیے وہ سب یہ کہتے چلے جاتے ہیں کہ وہ بڑی ہندو تنظیمیں ہیں۔

اے آئی ایم آئی ایم کے سربراہ نے یہ بھی الزام لگایا کہ بدقسمتی سے میڈیا نے زمینی حقائق کا احاطہ نہیں کیا۔ کھرگون (ایم پی) میں جن مسلم خاندانوں کے گھروں کو پتھراؤ کے شبہ میں بلڈوز کردیا گیا، انہیں تین چار دن تک کھانا نہیں ملا، ایسے میں ایم پی اور بعد میں دہلی میں جو کچھ ہوا (جہانگیرپوری تشدد) اس کی واضح مثال ہے کہ وہ قانون اور انصاف کے اصولوں پر یقین نہیں رکھتے۔

اویسی نے کہا کہ جب مجھ جیسے لوگ اس طرح کی کارروائی پر سوال اٹھاتے ہیں تو کہتے ہیں کہ پتھراؤ کے ویڈیو بھی لوگوں کے پاس ہیں۔ اگر اب بی جے پی تمام قسم کی تجاوزات کو ہٹانے کے بارے میں اتنی آواز اٹھاتی ہے، تو ہاؤسنگ اور شہری ترقی کی وزارت نے 2019 میں کہا تھا کہ قومی دارالحکومت میں ایسی 1,797 کالونیاں ہیں۔ میں بی جے پی حکومت کو چیلنج کرتا ہوں۔ کیا وہ سینک فارم، وسنت کنج انکلیو، چھتر پور انکلیو اور سیدالجاب ایکسٹینشن میں بھی بلڈوزر کارروائی کریں گے؟

اویسی کا یہ تبصرہ ایسے وقت میں آیا ہے جب ملک میں بلڈوزر کی کارروائی، لاؤڈ اسپیکر پر اذان اور ہنومان چالیسا اور حجاب کو لے کر تنازع کو لے کر کافی سیاست ہوئی ہے۔