نئی دہلی:
ملک کے دارالحکومت میں کورونا کے معاملات میں مسلسل اضافہ ہورہا ہے تو اسپتالوں میں داخل مریضوں کے علاج کے لیے ضروری آکسیجن کی بھی بہت بڑی قلتہے۔ دہلی کے جے پور گولڈن اسپتال میں آکسیجن کی کمی کے سبب 25 مریضوں کی موت ہوگئیہے ۔ بترا اور سر گنگا رام اسپتال میں آکسیجن کی کافی قلت ہے اور مختصر وقت کے لئے آکسیجن موجود ہے۔
دہلی کے کئی اسپتال آکسیجن فراہمی کے حوالے سے دہلی ہائی کورٹ گئے ہیں۔ دہلی ہائی کورٹ میں جے پور گولڈن اسپتال کی جانب سے بتایا گیا ہے کہ کل (جمعہ) آکسیجن کی کمی کی وجہ سے 25 مریض دم توڑ چکے ہیں۔ آکسیجن ٹینکر جے پور گولڈن اسپتال پہنچ گیا ہے۔
دہلی کے ایک اور اسپتال ، سروج اسپتال میں بھی آکسیجن کی بڑی قلت کا سامنا ہے۔ اسپتال کی جانب سے کہا گیا کہ آکسیجن کی کمی کی وجہ سے ہم نئی بھرتیاں نہیں کررہے ہیں اور ہم مریضوں کو ڈسچارج کررہے ہیں۔
دہلی کے ہی سر گنگا رام اسپتال میں آکسیجن کی شدید قلت ہے۔ اسپتال میں آکسیجن میں صرف 1 گھنٹہ کی بچی ہوئی ہے ۔ اسی دوران آکسیجن ٹینکر ساڑھے گیارہ بجے کے قریب سر گنگا رام اسپتال پہنچ گیا۔
جے پور گولڈن اسپتال میں مریضوں کی موت کی پر ٹویٹ کرتے ہوئے اسدالدین اویسی نے بی جے پی پر حملہ بولا ۔ انہوں نے کہاکہ بیڈ نہیں ہے، آکسیجن ، دوائیں اور ٹیسٹنگ کی کمی ہے ، اس سب کے لیے بی جے پی کو جواب دہ ٹھہرایا جانا چاہئے۔ جب طبی خدمات کو بڑھانے کا وقت تھا تو پی ایماو سیلف پرموشن ٹور پر تھا، دوسری لہر کے لیے واقعی میں تیاری کرنے کے لیے ایک بھی قدم نہیں اٹھایا گیا تھا۔
300 سے زائدزندگیاں داؤ پر
آکسیجن کی کمی کے بارے میں بترا اسپتال کے ایم ڈی ڈاکٹر ایس سی ایل گپتا نے بتایا کہ آکسیجن آج صبح سات بجے ختم ہوگئی تھی۔ روزانہ ہمیں تقریباً 7000 لیٹر آکسیجن کی ضرورت ہوتی ہے اور اب 500 لیٹر آکسیجن بھیجی گئی ہے ، جو کچھ وقت چل سکے گی۔ حالات پھر سے ویسے ہی ہوگئیں۔ 300 سے زیادہ جانیں ہیں جس میں 48 کو آئی سی یو میں داخل کیا گیا ہے اور ان کی زندگی پر سوالیہ نشان لگایا گیا ہے۔ جلد از جلد آکسیجن مہیا کرائی جائے۔
عارضی آکسیجن کاانتظام کررہے ہیں: ایم ڈی
اسپتال کی جانب سے جاری بیان کے مطابق اسپتال میں صرف 20 منٹ کی آکسیجن بچا ہے جبکہ 350 سے زائد کورونا مریض زیر علاج ہیں۔ براہ کرم اس پر انتہائی ضروری اور ترجیحی بنیادوں پر غور کریں اور یہاںبحران برقرار ہے۔
میڈیکل ڈائریکٹر (ایم ڈی) ڈاکٹر ایس سی ایل گپتا نے کہا کہ ہم عارضی آکسیجن سلنڈر کا بندوبست کر رہے ہیں۔ اسپتال میں آکسیجن کی مستقل فراہمی کی ضرورت ہے۔ ہمارے پاس صرف آئی سی یو کے لئے اسٹاک ہے۔ اسپتال کو پڑوسی اسپتال سے آکسیجن سلنڈر مل رہے ہیں۔
اس درمیان دہلی کے مہاراج اگرسین اسپتال میں نصف شب کو آکسیجن پہنچ گئی ۔ ساتھ ہی اسپتال کو یقین دلائی گئی ہے کہ انہیں مستقل طور پر آکسیجن ملتے رہیں گے۔
