پٹنہ :(پریس ریلیز)
رہنما فاؤنڈیشن ڈی کے چیپٹر نے حفاظ کو ڈاکٹر بنانے کی پہل کی ہے اس کے لئے شاہین گروپ آف انسٹی چیوشنس بیدر سے ہاتھ ملایا ہے ۔ رہنما فاؤنڈیشن ڈی کے چیپٹر کے کنوینرفیض الدین فیض نے بتایا کہ حفظ القرآن کے امیدوار وں کے لئے داخلے کھلے ہیں ۔ جو 12 سے 16 سال کے درمیان نوجوان حافظوں کے لئے اعلیٰ تعلیم حاصل کرنا چاہتے ہیں تاکہ طالب علم طب کے شعبہ میں کیریئر کا انتخاب کریں۔
انہوں نے کہاکہ شاہین گروپ کے چیئرمین ڈاکٹر عبدالقدیر کے ذریعہ حافظوں کو اعلیٰ تعلیم فراہم کرنے کے عزم کو مضبوط کرنے کے لئے انہوں نے یہ پہل کی ہے تاکہ زیادہ سے زیادہ مسلم اس سے استعفادہ حاصل کرسکیں۔ انہوں نے کہاکہ امیدواروں کاانتخاب ایک سخت عمل کے بعد انٹرویو کے بعد کیا جائے گا ، جس میں ان کی ذہنی استعداد ، فکری صلاحیت، شائستگی اور یاد داشت کی صلاحیت کو ظاہر کیا جائے گا۔
امیدواروں کا پہلے ورچوئل امتحان ہوگا پھر پٹنہ میں ان کا ٹسٹ لیاجائے گا۔ منتخب ہونے والے امیدواروں کو تعلیم حاصل کرنے کے لئے بیدر بھیجا جائے گا جہاں مفت قیام وطعام کانظم ہوگا ۔ انہوں نے کہاکہ خواہش مند امیدوار مزید تفصیلات کے لئے وہاٹس ایپ نمبر 7765954618پر رابطہ کر کے جلد از جلد فارم حاصل کرسکتے ہیں ۔ عید لفطر کے فوراً بعد امیدواروں کاانتخاب کیا جائے گا۔ انہوں نے نوجوانوں سے اپیل کی ہے کہ بیدر میں 4 سالہ انٹیگریٹیڈ کورس حاصل کریں جس کی وجہ کر انہیں مقابلہ جاتی امتحان کے لئے اہل بنانے کے لئے نصاب ڈیزائن کیا گیاہے ۔ مسابقتی امتحان NEETکے لئے موزوں ہونے کے خواہشمند کو وضع کرنے کے لئے مضمون کے ماہر کی خصوصی کوچنگ کا نظم ہے ۔
