نئی دہلی:(ایجنسی)
دہلی کے مدن پور کھادر علاقے میں جمعرات کو اس وقت کشیدگی پھیل گئی جب لوگوں نے انسداد تجاوزات آپریشن کے دوران پولیس پر پتھراؤ کیا اور پولیس کو بھیڑ کو منتشر کرنے کے لیے ہلکے لاٹھی چارج کا سہارا لینا پڑا۔
اس دوران عام آدمی پارٹی کے ایم ایل اے امانت اللہ خاں، جو لوگوں کی حمایت کے لیے موقع پر پہنچے، کو پولیس نے حراست میں لے لیا۔ لوگوں کی مخالفت اور پتھراؤ کے بعد صورتحال بے قابو ہوگئی۔ پولیس کو بھیڑ کو منتشر کرنے کے لیے طاقت کا استعمال کرنا پڑا۔
میڈیا سے بات کرتے ہوئے امانت اللہ خاں نے میونسپل کارپوریشن پر غریبوں کے مکانات گرانے کا الزام لگایا۔ انہوں نے کہا کہ اگر ان کی گرفتاری سے لوگوں کے گھر بچ سکتے ہیں تو وہ جیل جانے کو تیار ہیں۔ انہوں نے کہا، آپ نے کہا تھا کہ آپ تجاوزات ہٹائیں گے۔ اس میں آپ کے ساتھ ہوں، لیکن آپ غریبوں کے گھر گرا رہے ہو۔ اس علاقے میں ایک بھی تجاوزات نہیں ہیں۔
تازہ ترین اطلاعات کے مطابق پولیس نے پورے علاقے کو گھیرے میں لے لیا ہے، جبکہ کچھ پتھر اؤ کرنے والوں کو حراست میں بھی لیا گیا ہے۔
