"خوشامدیوں” میں گھرے اکھلیش کے ستارے گردش میں،چاچا رام گوپال بھی ناراض!

لکھنؤ (نامہ نگار )سماج وادی پارٹی میں ٹوٹ پھوٹ مسلسل بڑھ رہی ہے،وہیں راج بھر نے ان پر چمچوں میں گھرے ہونے کا الزام لگایا ہے ۔ایسا لگتا ہے کہ اکھلیش کے ستارے گردش میں ہیں ۔ اب چچا رام گوپال یادو نے بھی سماج وادی پارٹی کے سربراہ اکھلیش یادو کے بارے میں کچھ ایسا ہی کہا ہے۔ رام گوپال یادو سے جب ایس پی کی طرف سے شیو پال یادو اور سہیل دیو سماج پارٹی کے اوم پرکاش راج بھر کو لکھے گئے خط کے بارے میں پوچھا گیا تو انہوں نے کہا، ‘قومی صدر کے طور پر اس کے بارے میں وہی جانیں، آپ ان سے پوچھیں۔’ ایس پی اور ایس پی سپریمو اکھلیش کے تئیں ناراضگی صاف نظر آرہی ہے ان کو جاری کردہ خط کے حوالے سے گریز کرتے ہوئے دیکھا گیا۔ دراصل، سماج وادی پارٹی کے جنرل سکریٹری اور راجیہ سبھا کے رکن پروفیسر رام گوپال یادو رکنیت مہم کے لیے اٹاوہ کے سماج وادی دفتر پہنچے تھے، جہاں میڈیا نے شیو پال اور راج بھر کو جاری کیے گئے خط کے بارے میں سوالات پوچھے تھے، جس پر انہوں نے ردعمل ظاہر کیا۔یاد رہے رام گوپال نے ہی بغاوت اور مخالفت کے دوران اکھلیش کا ساتھ دیا اور تمام بڑے فیصلے کیے تھے قابل ذکر ہے کہ راج بھر نے ردعمل ظاہر کرتے ہوئے کہا تھا کہ سیاست میں صرف چمچاگیری اور مسکا پالش کا معاملہ ہوتا ہے، جو میں نہیں کر سکتا۔ جب ان سے پوچھا گیا کہ چمچاگیری کون کرتا ہے تو راج بھر نے انوراگ بھدوریا، سنجے لاتھر، اروند سنگھ اور ریاستی صدر نریش اتم کا نام لیا اور کہا کہ یہ اکھلیش یادو کے نورتن ہیں جو اپنا بوتھ بھی نہیں جیت سکے اور سب سے بڑے مشیر بنے ہوے ہیں