نئی دہلی:
پانچ ریاستوں میں اسمبلی انتخابات کی گنتی جاری ہے۔ رجحانات کی بات کریں تو مغربی بنگال میں ٹی ایم سی نے اکثریت کی تعداد پار کرلیا ہے ۔11.10بجے تک کے رجحانات کے مطابق ٹی ایم سی 165 اور بی جے پی نے 124 سیٹوں پر برتری حاصل کی ہوئی ہے۔ وہیں آسام میں بی جے پی نے اکثریت کو چھولیا ہے۔ یہاں بی جے پی 83 سیٹوں پر آگے چل رہی ہے۔ تمل ناڈو میں بھی ڈی ایم کے نے اکثریت حاصل کرلیا ہے۔ یہاں ڈی ایم کے 137 سیٹوں پر آگے بنی ہوئی ہے۔ کیرل کی بات کرتیں تو یہاں ایل ڈی ایف 86 سیٹوں کے ساتھ آگے بنی ہوئی ہے۔ بتادیں کہ مغربی بنگال ،تمل ناڈو ، آسام ، کیرل اور پڈوچیری سمیت پانچ ریاستوں اور مرکزکے زیر انتظام ریاستوں کی اسمبلی انتخابات کے ووٹوں کی گنتی ہو رہی ہے ۔
12بجے تک کے رجحاجات
مغربی بنگال میں ٹی ایم سی 193 ، بی جے پی 97 نشستوں پر آگے ۔
تمل ناڈو میں ڈی ایم کے 137 ، اے ڈی ایم کے 96 نشستوں پر آگے ۔
کیرالہ میں ایل ڈی ایف 86 اور کانگریس50 نشستوں پر برتری بنائی ہوئی ہے۔
آسام میں بی جے پی 84 اور کانگریس کے پاس 41 نشستیں بنی ہوئیںہیں۔
پڈوچیری میں این آر سی 12 اور کانگریس 5 نشستوں پر آگے چل رہی ہے۔
خبر رساں ایجنسی کی(بھاشا)کے مطابق جھارکھنڈ میں مدھوپور اسمبلی سیٹ کے لئے ہونے والے ضمنی انتخاب میں گنتی کے آٹھویں مرحلے کے بعد بی جے پی کے امیدوار گنگ نارائن سنگھ حکمران جھارکھنڈ مکتی مورچہ کے حفیظ الحسن سے 4703 ووٹوں سےپچھڑ گئے ہیں۔
مدھیہ پردیش کی داموہ اسمبلی سیٹ کے لئے ہونے والے ضمنی انتخاب میں گنتی کے پانچویں مرحلے کے بعد کانگریس کے امیدوار اجے ٹنڈن اپنے قریب ترین حریف بی جے پی امیدوار راہل سنگھ لودھی سے 2,041 ووٹوں سے آگے چل رہے تھے۔
کنیاکماری لوک سبھا ضمنی انتخاب کے لئے ووٹوں کی گنتی کے رجحانات میں بی جے پی کے سینئر رہنما اور سابق مرکزی وزیر پون رادھا کرشنن اپنے حریف کانگریس کے وجے وسنت سے 58,813 ووٹوں سے پیچھے چل رہے ہیں۔
الیکشن کمیشن نے اتوار کو کہا کہ اس نے کئی جگہوں پر جیت کا جشن منانے کے لئے لوگوں کے اجتماع پر سخت موقف اختیار کیا ہے اور متعلقہ ریاستوں کے چیف سکریٹریوں سے ایسی صورتحال میں ایف آئی آر درج کرنے کو کہا ہے ،ورنہتھانہ انچارج کو معطل کیا جائے۔
خبر رساں ایجنسی کی زبان کے مطابق مہاراشٹر کے ضلع سولاپور میں پنڈھر پور منگلویڈہ اسمبلی سیٹ پر ہوئےضمنی انتخاب کے ووٹوں کی گنتی میں بی جے پی کے امیدوار سمادھن اوتاڑے نے اپنے قریبی این سی پی حریف سے برتری برقرار رکھی ہے۔ ڈسٹرکٹ الیکشن آفیسر نے کہا ،گنتی کے 24 ویں دور کے بعد این سی پی کے امیدوار بھاگیرتھ بھالکے کو 65,528 ووٹ ملے ہیں، جبکہ بی جے پی کے اوتاڑے کو 71,584 ووٹ ملے ہیں وہ 6,056 ووٹوں سےووٹ آگے چل رہے ہیں۔
