گواہاٹی( ایجنسی) آسام میں ایک مدرسے کے انہدام کے بعد سیاست تیز ہو گئی ہے۔ اے آئی یو ڈی ایف کے سربراہ بدرالدین اجمل اس وقت حکومت کو گھیرے ہوئے ہیں۔ اس دوران آسام کے سی ایم ہمنتا بسوا شرما کا بیان آیا ہے۔ انہوں نے کہا کہ اگر مدرسے میں ملک دشمن سرگرمیاں ہوئیں تو انہیں منہدم کر دیا جائے گا۔ یہ سیاسی بیان بازی بونگائیگاؤں ضلع میں ایک مدرسہ کے انہدام کے بعد تیز ہوگئی۔
اس مدرسے پر مبینہ طور پر جہادی سرگرمیوں میں ملوث ہونے کا الزام تھا۔ اسے بدھ کے روز انتظامیہ نے گرا دیا تھا۔ مدرسہ پر یہ کارروائی عمارت کے قوانین کی خلاف ورزی پر کی گئی۔ہمانتا بسوا نے کہا کہ ہمارا مدارس کو گرانے کا کوئی ارادہ نہیں ہے۔ ہمارا مقصد صرف یہ ہے کہ ان مدارس کو بقول وزیراعلی جہادی عناصر کے لیے استعمال نہ کیا جائے۔اگر ہمیں کوئی اطلاع ملتی ہے کہ ان کو مدارس کی آڑ میں ملک دشمن سرگرمیوں کے لیے استعمال کیا جا رہا ہے تو انہیں منہدم کر دیا جائے گا۔
