مسلم اسٹوڈنٹ کی لاٹھیوں سے پٹائ،ہندو ساتھی لڑکی سے بات کرنے کی ‘سزا’

بنگلو (ایجنسی) کرناٹک کے جنوبی کنڑ ضلع میں منگل کے روز ایک مسلمان طالب علم کو اس کے کالج کے ساتھیوں نے ایک ہندو لڑکی سے مبینہ طور پر بات کرنے پر زدوکوب کیا۔ پولیس نے بدھ کو یہ جانکاری دی۔

انڈین ایکسپریس کی رپورٹ کے مطابق پولیس حکام نے بتایا کہ جلسور گاؤں کے رہنے والے محمد سنیف (19) پر صبح 10.30 بجے کے قریب سولیا تعلقہ کے قصبہ گاؤں میں کالج کے احاطے میں حملہ کیا گیا۔انہوں نے کہا کہ سینیف اپنی ایک دوست سے بات کر رہے تھے، جو ہندو برادری سے تعلق رکھتی ہے اور اسی کالج میں پڑھتی ہے، کچھ طلباء نے ان کی گفتگو پر اعتراض کیا۔پولیس کے مطابق، انہوں نے اسے کالج کے میدان میں بلایا اور جیسے ہی وہ موقع پر پہنچا، پراجول، تنوج، اکشے، مکشیت، گوتم اور دیگر نے لاٹھیوں سے مارا۔ انہوں نے لڑکی کے ساتھ بات چیت کے بارے میں سینیف سے سوال کیا اور یہ دھمکی بھی دی کہ اگر اس نے لڑکی سے دوبارہ بات کی تو وہ اسے اور ماریں گے۔