نئ دہلی :ہندوستان نے بدھ کو ایک ایڈوائزری جاری کرتے ہوئے اپنے تمام شہریوں کو یوکرین سے فوری طور پر نکل جانے کو کہا۔ اس نے لوگوں سے یوکرین کا سفر کرنے سے گریز کرنے کو بھی کہا ہے۔ حکومت نے یہ ایڈوائزری اس لیے جاری کی ہے کیونکہ وہاں سیکورٹی کی صورتحال ابتر ہوتی جا رہی ہے اور حال ہی میں حملوں میں تیزی آئی ہے۔ یوکرین کے دارالحکومت کیف کو اب نشانہ بنایا جا رہا ہے۔
یوکرین میں ہندوستانی سفارت خانے نے اپنے ٹویٹر ہینڈل پر جاری کردہ ایک بیان میں کہا ، "ہندوستانی شہریوں بشمول طلباء اس وقت یوکرین میں ہیں کو مشورہ دیا جاتا ہے کہ وہ دستیاب ذرائع سے جلد از جلد یوکرین چھوڑ دیں۔”ہندوستان کی یہ ایڈوائزری روسی صدر ولادیمیر پوتن کے بدھ کے روز یوکرین کے چار علاقوں میں مارشل لاء نافذ کرنے کے بعد سامنے آئی ہے جن کا روس نے دعویٰ کیا ہے۔
بتایا جاتا ہے کہ مقبوضہ شہر خرسون کے کچھ رہائشی حملے کی وارننگ کے بعد کشتیوں کے ذریعے فرار ہو گئے۔ خرسن سے فرار ہونے والے لوگوں کی تصاویر روس کے سرکاری ٹی وی نے نشر کیں۔
