آسام کے گولپاڑہ ضلع میں قائم میاں میوزیم کو سیل کر کے آسام میاں پریشد (اسومیا)کے صدر مہر علی سمیت دو لوگوں کو حراست میں لیا گیا ہے۔ وزیراعلیٰ ہیمنت بسوا سرما کی جانب سے اس کی فنڈنگ پر سوال اٹھانے کے بعد اس میوزیم کو سیل کیا گیا ہے۔
علی سمیت عبدالباطن کو لکھیپور سے گرفتار کر کے پوچھ تاچھ کے لیے گولپاڑہ صدر پولیس اسٹیشن لایا گیا ریاست کے اسپیشل پولیس ڈائریکٹر جنرل جی پی سنگھ نے کہا کہ گولپاڑہ کے مہر علی اور ڈھوبری کے عبدالباطن کو حراست میں لیا گیا ہے۔ ان سے اس کی فنڈنگ کو لے کر پوچھ تاچھ کی جارہی ہے۔ ان پر انصاراللہ بانگلہ ٹیم (اے بی ٹی) سے تعلق رکھنے کے الزام ہیں.آسام پولیس کے اسپیشل ڈائریکٹر جنرل جی پی سنگھ نے ٹویٹ کیا کہ حراست میں لیے گئے دونوں افراد سے دہشت گرد تنظیموں انصار اللہ بنگلہ ٹیم اور ہندوستان میں القاعدہ کی سرگرمیوں کے ساتھ ان کے روابط کے بارے میں پوچھ تاچھ کی جائے گی۔
انہوں نے ٹویٹ کیا تھا کہ گولپاڑہ کے مظہر علی اور دھوبری کے مسٹر عبدالباطن کے خلاف گھوگراپار پولیس اسٹیشن کیس نمبر 163/22، U/S-120(B)/121/121(A)/122 IPC، R ، 10/13 UA(p) ایکٹ کے تحت مقدمہ درج کرتے ہوئے حراست میں لیا گیامیاں میوزیم کا افتتاح اتوار کو مغربی آسام کے ضلع گولپاڑہ کے علاقے دپکربھیتا میں کیا گیا۔ میاں لفظ کا استعمال مقامی بنگالی یا بنگالی نژاد مسلمانوں کے لیے کیا جاتا ہے، جو 1890 کی دہائی کے آخر سے آسام میں دریائے برہم پترا کے کنارے آباد ہو گئے تھے۔ انگریزوں نے انہیں تجارتی کھیتی باڑی اور دیگر کام کرنے کی اجازت دی ہے
