مدارس کے بنیادی نصاب میں تبدیلی خارج از امکان :مفتی ابوالقاسم نعمانی

دیوبند( سمیر چودھری )

دینی مدارس کے نصاب تعلیم میں بنیادی تبدیلی کے مطالبہ وتجویز کو سختی سے مسترد کرتے ہوۓ دارالعلوم دیوبند کے مہتمم مولانا مفتی ابوالقاسم نعمانی نے کہا کہ اسے نصاب کی روح کے منافی اورنصب العین کے خلاف سمجھتے ہیں
 رابطہ مدارس کے اجلاس صدارتی خطاب کے دوران انہوں نے کہا کہ اگر کوئی تنظیم اپنے اغراض و مقاصد کے تحت کام نہیں کرتی تو وہ ایک ڈھانچہ ہے اسی لئے ہم کو چاہئے کہ ہم اپنے أغراض و مقاصد کی تکمیل میں کوشاں رہیں ۔
مفتی ‌نعمانی نے مزید کہا کہ
صحیح تربیت کے بغیر تعلیم کا مقصد فوت ہوجاتا ہے اسی لئے تعلیم کے ساتھ ساتھ طلبہ کی تربیت پر بھی توجہ دی جائے ۔

انہوں نے اپنے خطبہ میں کہا کہ مجلس عاملہ رابطہ مدارس تاکید کرتا ہے کہ نصاب میں بنیادی تبدیلی اور عصری علوم کی شمولیت کے بارے میں نام نہاد دانشوروں اور عاقبت نا اندیشوں کے مطالبے سے متاثر نا ہوں بلکہ نصاب تعلیم اور نظام تعلیم قدیم اور متوازن خطوط پر ہی قائم و استوار رکھیں؛ البتہ درجہ درجہ پنجم پرائمری تک ایسا نصاب تعلیم اپنے وہ قائم کردہ مدارس میں رائج کریں جو دینیات کے ساتھ ضروری ضروری عصری علوم ،حساب ،جغرافیہ علاقائی زبان اور تاریخ پر مشتمل ہو اور بہتر ہوگا ان مدارس و مکاتب کو حکومت سے منظوری حاصل کرا لیں ملکی و عالمی حالات کو مد نظر رکھتے ہوئے کسی بھی منفی سرگرمی سے مکمل اجتناب کیا جائے
مدارس و مکاتب کے تمام کاغذات کو پہلی فرصت میں درست کرایا جائے۔