لکھنؤ : پتہ نہیں یہ رحمت ہے یا زحمت یکم نومبر سے یوپی روڈ ویز کی عام بسوں میں بھی مسافراپنا ریزرویشن حاصل کر سکیں گے۔ فی الحال یہ سہولت بس اسٹیشن پر قائم ریزرویشن کاؤنٹر سے دستیاب ہوگی تاہم بعد میں مسافر عام بسوں کی ریزرویشن آن لائن بھی کروا سکیں گے۔
اس کا مطلب یہ ہے کہ عام بسوں کو بھی خاص کردیا جارہا ہے ۔غریب آدمی کی جیب پر بوجھ پڑے گا بلکہ وہ حسب سہولت کسی بس میں نہیں چڑھ سکے گا قابل ذکر ہے کہ آن لائن ریزرویشن کی سہولت ابھی تک صرف روڈ ویز کی ایئر کنڈیشنڈ (اے سی) بسوں میں دستیاب ہے، لیکن اب مسافر عام کلاس کی بسوں میں بھی ریزرویشن حاصل کر سکیں گے۔
سفر کی تاریخ سے 30 دن پہلے عام بسوں میں ریزرویشن کرانے کی سہولت دی جائے گی۔ریزرویشن ٹکٹ پر بس نمبر کے ساتھ سیٹ نمبر اور بس کی روانگی اور آمد کا وقت بھی درج ہوگا۔ ریزرویشن کے لیے بنیادی کرایہ کے علاوہ 20 روپے فی مسافر فیس اور 18% جی ایس ٹی ادا کرنا ہوگا۔روڈ ویز پریاگ راج زون کے منیجر ایم کے ترویدی نے کہا کہ اب مسافر بس اسٹیشن پر قائم ریزرویشن کاؤنٹر سے ہی اپنا ریزرویشن کروا سکیں گے۔ جلد ہی مسافروں کو آن لائن سہولت بھی دی جائے گی۔
