ثانیہ ۔شعیب کے راستے الگ ہوگیے؟

نئ دہلی (خاص رپورٹ)شعیب ملک اور ثانیہ مرزا کے درمیان سب کچھ ٹھیک نہیں ہے۔ دراصل ثانیہ نے سوشل میڈیا پر ایک پوسٹ شیئر کی ہے جس کے بعد سوشل میڈیا پر ایسی خبریں آنے لگی ہیں کہ دونوں کے درمیان سب ٹھیک نہیں ہے۔ آپ کو بتاتے چلیں کہ ثانیہ نے انسٹا سٹوری پر ایک پوسٹ شیئر کی ہے جس میں لکھا ہے کہ ‘ٹوٹے ہوئے دل کہاں جائیں، اللہ کو ڈھونڈو’۔ جب سے ٹینس سنسنی ثانیہ نے یہ پوسٹ شیئر کی ہے تب سے مداح حیران ہیں۔

تاہم اس بارے میں نہ تو شعیب اور نہ ہی ثانیہ نے کھل کر بات کی ہے۔تاہم، پاکستان سے کچھ میڈیا رپورٹس بتاتی ہیں کہ ملک نے مبینہ طور پر اپنے ایک ٹی وی شو کے دوران ثانیہ کو دھوکہ دیا۔پاکستانی میڈیا نے یہ بھی دعویٰ کیا کہ جوڑے میں علیحدگی ہو گئی ہے اور وہ کچھ عرصے سے الگ رہ رہے ہیں۔ افواہیں پھیل رہی ہیں کہ یہ جوڑا اب صرف اپنے بیٹے اذہان کے ساتھ شریک والدین کے کردار میں اکٹھا ہوگا۔ تاہم کسی بھی ستارے نے اس پر کوئی تبصرہ نہیں کیا۔قابل ذکر ہے کہ ثانیہ اور شعیب کی شادی سال 2010 میں ہوئی تھی۔

اس جوڑے کا ایک 4 سالہ بیٹا ہے جس کا نام اذہان ہے۔ حال ہی میں دونوں نے اپنے بیٹے اظہار کی سالگرہ مناتے ہوئے تصویر سوشل میڈیا پر شیئر کی۔ یہی نہیں چند روز قبل ثانیہ نے ایک پوسٹ شیئر کی تھی جس نے سوشل میڈیا پر تہلکہ مچا دیا تھا، ثانیہ نے اپنے بیٹے کے ساتھ ایک تصویر شیئر کی اور کیپشن میں لکھا، ‘وہ وقت جو مجھے مشکل ترین دنوں سے گزرنے میں مدد کرتا ہے۔’