نئ دہلی: دہلی فسادات کے معاملے میں دارالحکومت کی ایک عدالت نے شاہ رخ سمیت چار ملزمان کو بری کر دیا اور پولیس کی سرزنش کی۔ عدالت نے کہا کہ پولیس ان ملزمان کے خلاف صرف منہ کی کھاتی رہی۔ جن ستا کی رپورٹ کے مطابق عدالت کے سامنے رکھے گئے شواہد میں ان لوگوں کے خلاف الزام کہیں سے ثابت نہیں ہوتا۔
بری کیے گئے تین دیگر ملزمان میں آشو، زبیر اور اشونی شامل ہیں۔بری ہونے والے ملزمان پر ہنگامہ آرائی اور توڑ پھوڑ کا الزام تھا۔ ایڈیشنل سیشن جج امیتابھ راوت نے کیس کی سماعت کرتے ہوئے ایک حالیہ حکم میں کہا، "ملزمان کے خلاف استغاثہ اپنے کیس کو معقول شک سے بالاتر ثابت نہیں کرسکا ہے اور یہی فوجداری مقدمات کے قانون کا معیار ہے۔
اس لیے تشدد کیس کے چاروں ملزمین کو بری کر دیا گیا ہے۔‘‘معلوم ہوا ہے کہ عدالت شاہ رخ، آشو، زبیر اور اشونی کے خلاف کیس کی سماعت کر رہی تھی۔ ان لوگوں پر 25 فروری 2020 کو یہاں کردم پوری میں پارکنگ میں ایک ٹریکٹر اور ہینڈ کارٹ کو آگ لگانے اور اسکول بسوں میں توڑ پھوڑ کرنے کا الزام تھا۔ الزام کے مطابق یہ لوگ اس ہجوم کا حصہ تھے جس نے تشدد کیا۔عدالت نے پایا کہ استغاثہ نے کہا ہے کہ مقدمے کے دو گواہوں نے ملزموں کو پہچان لیا ہے۔
لیکن اہم پوچھ گچھ کے دوران، مذکورہ گواہوں نے گواہی دی کہ انہوں نے کبھی کسی فسادی کی شناخت نہیں کی۔ گواہوں کا یہ بھی کہنا تھا کہ انہوں نے کسی تفتیشی افسر کو ملزم کی شناخت کے بارے میں نہیں بتایا۔
