حکومتوں نے الیکشن کمیشن کو تباہ کردیا:سپریم کورٹ۔

ئ دہلی:سپریم کورٹ کی آئینی بنچ نے الیکشن کمیشن سے متعلق دائر درخواستوں کی سماعت کرتے ہوئے کہا ہے کہ ملک میں یکے بعد دیگرے مرکزی حکومتوں نے الیکشن کمیشن کی آزادی کو مکمل طور پر تباہ کردیا ہے۔ 1996 کے بعد سے کسی بھی چیف الیکشن کمشنر (CEC) کو 6 سال کی پوری مدت نہیں ملی۔ ایسا اس لیے ہوا کہ اس کے لیے کوئی قانون نہیں بنایا گیا۔ جس کی وجہ سے ہر حکومت یہ خطرناک قدم اٹھاتی رہی اور مختصر مدت کے لیے چیف الیکشن کمشنر کا تقرر کیا۔
لائیو لا اور انڈین ایکسپریس کی رپورٹوں کے مطابق، جسٹس کے ایم جوزف کی سربراہی میں پانچ ججوں کی آئینی بنچ نے منگل کو اس معاملے کی سماعت کی۔ سماعت کا عمل تاحال جاری ہے۔
اس سلسلے میں سپریم کورٹ میں چار مفاد عامہ کی عرضیاں (PILs) دائر کی گئی ہیں۔ ان کا مطالبہ ہے کہ سی ای سی اور الیکشن کمیشن میں تقرریوں کے لیے صدر کو نام تجویز کرنے کے لیے ایک غیر جانبدار اور آزاد سلیکشن پینل تشکیل دیا جائے۔ اس کے لیے عدالت کو مرکزی حکومت کو ہدایت دینی چاہیے
عدالت نے کہا کہ سوال یہ ہے کہ بہترین کا انتخاب کیسے کیا جائے۔ ایک شفاف نظام ہونا چاہیے… اگر آپ کئی دہائیاں گزرنے کے بعد بھی آگے نہیں بڑھ رہے تو کیا آپ چاہتے ہیں کہ عدالت کچھ نہ کہے۔ ہم جانتے ہیں کہ یہ آسان حل نہیں ہے۔ لیکن عدالت کم از کم روشنی کی تلاش کر سکتی ہے۔
عدالت نے اے جی سے درخواست کی کہ وہ واضح جواب دیں یا ہمیں بتائیں کہ کیا حکومت سی ای سی یا ای سی کی تقرری میں‌کسی طریقہ پرعمل کرتی ہے
طریقہ کار پر عمل کرتی ہے
عدالت نے مزید کہا کسی بھی صورت میں آدمی کا کردار زیادہ اہمیت کا حامل ہے، کیونکہ میں کسی بھی صورت میں اپنے اوپر بلڈوزر نہیں چلنے دوں گا۔ وزیراعظم ہو یا کوئی اور، مجھے کوئی فرق نہیں پڑتا۔ شیشن کبھی کبھی آتا ہے، ہمیں ایسے سی ای سی کی ضرورت ہے، جسے دبایا نہیں جا سکتا۔ اس لیے بھرتی کا عمل اہم ہے۔