زندہ دل ،جری صحافی عامر سلیم کا انتقال

نئی دہلی: اردو کے سینئر صحافی اور روزنامہ ہمارا سما ج دہلی کے ایڈیٹر،پریس کلب آف انڈیا کے ممبر عامرسلیم خان (48)کا حرکت قلب بند ہونے سے پير کی دوپہر ایک بجے انتقال ہو گیا۔ انہیں دو دن قبل ہی ہارٹ اٹیک ہوا تھا وہ اتنا شدید تھا کہ جانبر نہ ہوسکے۔ وہ دہلی کےجی بی پنت اسپتال میں زیر علاج تھے خبر سنتے ہی صحافی برادری میں رنج و غم کی لہر دوڑ گئ۔زندہ دلی اور خوش گفتاری اور بے باک رپورٹنگ کی وجہ سے وہ بہت مقبول تھے کام کے تئیں ایماندار اور جری تھے،انہوں نے کبھی حالات سے سمجھوتہ نہیں کیا۔
عامر سلیم خان کو دوسری مرتبہ دل کا دورہ پڑا تھا، ۔ایک ماہ قبل ہی ان کے والد کا انتقال ہوا تھا
مرحوم اردو کے نامور صحافی تھے، ایک لمبے عرصے سے اردو صحافت سے وابستہ تھے وہ گزشتہ 13 برسوں سے روزنامہ ہمارا سماج سے جڑے ہوئے تھے اور ادارت کی ذمہ داری سنبھال رہے تھےجبکہ ان کا صحافتی کریر بہت طویل ہے ۔ اردو میڈیا کو ان کے انتقال سے دھچکا لگا ہے ۔ان کی رپورٹنگ اور تجزیے صحافتی تقاضوں پر کھرے اترتے تھے یقینی طورپر کے یوں چلے جانے سے ایک خلا پیدا ہوا ہے۔ اللہ تعالی عامر سلیم کی مغفرت فرمائے اور انکے جملہ متعلقین کو صبر جمیل عطا کرے۔روزنامہ خبریں اہل خانہ کے غم‌میں برابر کا شریک ہے ۔اللہ تعالیٰ ان کے درجات میں اضافہ کرے اور پسماندگان کو صبر جمیل عطا فرمائے آمین