کرنل پروہت کی ڈسچارج درخواست ہائ کورٹ سے خارج

ممبئ :بمبئی ہائی کورٹ نے پیر، 2 جنوری کو، 2008 کے مالیگاؤں دھماکہ کیس میں لیفٹیننٹ کرنل پروہت کی الزامات سے آزاد کرنے کی د درخواست کو خارج کر دیا۔ پروہت اور بی جے پی ایم پی پرگیہ سنگھ ٹھاکر سمیت چھ دیگر ملزمان ستمبر 2008 کے مالیگاؤں دھماکہ کیس میں مقدمے کا سامنا کر رہے ہیں۔ مالیگاؤں دھماکے میں 6 افراد ہلاک اور 100 سے زیادہ زخمی ہوئے تھے۔ تمام ملزمان اس وقت ضمانت پر ہیں۔کرنل پروہت نے دعویٰ کیا تھا کہ کوڈ آف کریمنل پروسیجر (سی آر پی سی) کی متعلقہ دفعات کے تحت اس کے خلاف مقدمہ چلانے کے لیے منظوری نہیں لی گئی تھی، اس کے علاوہ مقدمے میں ان کی بریت کی درخواست کرنے کے لیے دیگر وجوہات بھی تھیں۔جسٹس اے۔ ایس گڈکری اور پرکاش نائک کی بنچ نے ان کی عرضی کو مسترد کرتے ہوئے کہا کہ منظوری کی ضرورت نہیں ہے کیونکہ "وہ سرکاری ڈیوٹی پر نہیں تھے”۔
29 ستمبر 2008 کو مہاراشٹر کے ناسک ضلع کے ایک حساس شہر مالیگاؤں میں ایک مسجد کے قریب موٹر سائیکل میں نصب بم پھٹنے سے 6 افراد ہلاک اور 100 سے زائد زخمی ہوئے۔