راۓ بریلی: رام چرت مانس پر متنازع ریمارکس پر ہنگامہ ابھی تھم نہیں پایا تھا کہ سابق وزیر اور ایس پی لیڈر سوامی پرساد موریہ نے برہمنوں پر انگلی اٹھانے کے بعداب سنتوں، مہنتوں اور دھرماچاریوں پر نشانہ سادھا اور ان کو آڑے ہاتھوں لیا ۔ انہوں نے کہا کہ اگر سنت مہنت اور دھرماچاریہ میرا سر قلم کرنے اور زبان کاٹنے کی بات کر رہے ہیں تو کیا وہ دہشت گرد اور قصائی نہیں ہیں۔ان کا ویڈیو بھی وائرل ہورہا ہے
امراجالا کی رپورٹ کے مطابق ایس پی لیڈر سوامی پرساد موریہ نے اپنے بیان میں کہا ہے کہ ‘اگر کسی دوسرے مذہب کا کوئی شخص کسی کا سر کاٹنے یا کسی کی زبان کاٹنے کی بات کرے تو اسے دہشت گرد قرار دیا جاتا ہے، اگر مہنت میرا سر کاٹنا چاہتا ہے اور میرا سر میری زبان کاٹنا چاہتا ہےتوکیا وہ دہشت گرد اور قصائی نہیں ہیں؟
بتا دیں کہ اس سے قبل بدھ کو سوامی پرساد موریہ نے ریاست میں ہو رہے احتجاج کے سوال پرکہا تھا کہ ان کی مخالفت صرف ایک خاص ذات کے لوگ کر رہے ہیں۔ پانڈے، پجاریوں کو اپنے کاروبار کو خطرہ نظر آرہا ہے۔وہ سمجھ گئے ہیں کہ اگر موریہ جی کی پکار پر دلت اور او بی سی متحد ہو گئے تو وہ اس مندر میں آنا بند کر دیں گے، جس کی وجہ سے پرساد اور پیٹ کی پوجا رک جائے گی۔ اس کا کاروبار ٹھپ ہو جائے گا۔ دیوانے کی طرح بھونکنے کا کام کر رہے ہیں۔ وہ ایک نجی تقریب میں شرکت کے لیے رائے بریلی پہنچے تھے۔
