مرکزکافرمان، ٹی وی چینلز کو ماہانہ 15گھنٹے قومی مفاد سے متعلق پروگرام دکھانا ہوں گے

نئی دہلی: مارچ سے تمام نجی ٹیلی ویژن چینلوں کو ہر ماہ 15 گھنٹے تک قومی مفاد سے متعلق پروگرام نشر کرنا ہوگا۔ وزارت اطلاعات و نشریات نے سوموار کو اس سلسلے میں ایک تفصیلی ایڈوائزری جاری کی۔
انڈین ایکسپریس(INDIANEXPRESS) کی رپورٹ کے مطابق، وزارت نے ایک میں کہا ہے کہ ٹیلی ویژن چینلوں کو اپ لنکنگ اور ڈاؤن لنکنگ کے لیے حالیہ رہنما خطوط میں وزارت کی طرف سے دیے گئے بعض موضوعات کی بنیاد پر نجی نشریاتی اداروں کے لیے ہر دن 30 منٹ کے لیے پبلک سروس براڈکاسٹنگ کرنے کی ضرورت شامل تھی۔ اس سلسلے میں وزارت نے نجی نشریاتی اداروں اور ان کی انجمنوں سے وسیع پیمانے پر مشاورت کی۔ ان کے ان پٹ کی بنیاد پر 30 جنوری کو ایڈوائزری جاری کی گئی
وزارت نے ایڈوائزری میں یہ بھی کہا کہ اس مواد کا ٹیلی کاسٹ 30 منٹ تک مسلسل نہیں ہونا چاہیے اور اسے چند منٹوں کے الگ الگ سلاٹ میں تیار کیا جا سکتا ہے۔ایڈوائزری میں مزیدکہا گیا ہے،کہ کامرشیل بریک کے درمیان عوامی اہمیت کے حامل مواد کوجس مدت کے لیے نشر کیا جاتا ہے ، اس پر بریک لیے طے شدہ 12 منٹ کی حد لاگو نہیں ہوتی
ساتھ ہی نشریاتی ادارے کو 90 دنوں کی مدت کے لیے نشر کیے جانے والے مواد کا ریکارڈ رکھنے کی بھی ضرورت ہے۔ ایڈوائزری میں کہا گیا ہے کہ وزارت اطلاعات و نشریات کے تحت الکٹرانک میڈیا مانیٹرنگ سینٹر 90 دن کی مدت تک کے لیے نشر ہونے والے مواد کا ریکارڈ رکھے گا۔ پرائیویٹ براڈکاسٹرز کو براڈکاسٹنگ سروسز پورٹل پر ماہانہ رپورٹ جمع کرانی ہوگی۔
یہ رہنما خطوط پچھلے سال 9 نومبر کو وزارت کی طرف سے وضع کردہ نئے ‘اپ لنکنگ-ڈاؤن لنکنگ’ قوانین میں طے کیے گئے تھے۔ نئی ایڈوائزری سوموار (30 جنوری) کو نجی سیٹلائٹ ٹیلی ویژن چینل اور ان کی تنظیموں کے ساتھ وسیع مشاورت کے بعد جاری کی گئی ۔