ہیٹ اسپیچ:سپریم کورٹ نے کہا،کئی حکم‌جاری کئے،کوئی بھی کارروائی نہیں کررہا

نئی دہلی: سپریم کورٹ نے جمعرات کو زبانی طور پر کہا کہ اس نے پروگراموں میں نفرت انگیز تقاریر کے بارے میں متعدد احکامات پاس کیے ہیں، لیکن اس کے باوجود کوئی کارروائی نہیں کر رہی ہے، جب کہ ممبئی میں 5 فروری کو ہونے والی مبینہ نفرت انگیز تقریر کے خلاف درخواست کی تحقیقات کرنے پر اتفاق کیا گیا
ایک وکیل نے جسٹس کے ایم جوزف کی سربراہی والی بنچ کے سامنے اس معاملے کا ذکر کیا اور فوری سماعت کا مطالبہ کیا۔ بنچ، جس میں جسٹس انیرودھا بوس اور ہریشی کیش رائے بھی شامل ہیں، نے کہا کہ وہ چیف جسٹس ڈی وائی چندرچوڑ سے ہدایات طلب کرے گی اور ان کی منظوری کے بعد، معاملہ جمعہ کو مزید سماعت کے لیے رکھا جائے گا۔
آئئ اے این ایس کے مطابق بنچ نے زبانی طور پر وکیل سے کہا، ’’آپ بار بار حکم ملنے کے بعد ہمیں شرمندہ ہونے کے لیے کہتے ہیں۔ ہم نے بہت سارے احکامات پاس کیے لیکن کوئی ایکشن نہیں لے رہا۔ عدالت عظمیٰ کو واقعہ درواقعہ کی بنیاد پر احکامات جاری کرنے کے لیے نہیں کہا جانا چاہیے۔
بنچ نے وکیل سے کہا، "ہم اس پر آپ کے ساتھ ہیں، لیکن سمجھ لیں کہ ہر بار سپریم کورٹ کو متحرک نہیں کیا جا سکتا… ۔”
وکیل نے ممبئی میں منعقدہ مبینہ نفرت انگیز تقریر کی ریلی کا حوالہ دیتے ہوئے اصرار کیا کہ معاملے کی فوری سماعت کی ضرورت ہے۔
بنچ نے اس بات پر زور دیا کہ وہ پہلے ہی ایک حکم دے چکا ہے جو بالکل واضح ہے اور مزید کہا کہ اگر ملک بھر میں ریلیاں نکالی جائیں اور ہر بار سپریم کورٹ میں درخواست کی جائے۔ اس نے کہا یہ کیسے ممکن ہے؟
گزشتہ سال اکتوبر میں عدالت عظمیٰ نے دہلی، اتر پردیش اور اتراکھنڈ کی حکومتوں کو ہدایت کی تھی کہ وہ نفرت انگیز تقاریر کے خلاف کریک ڈاؤن کریں، شکایت درج ہونے کا انتظار کیے بغیر قصورواروں کے خلاف فوری طور پر فوجداری مقدمات درج کریں۔ –