ہیٹ اسپیچ پرکوئی سمجھوتہ نہیں:سپریم کورٹ ،کہا،بھارت سیکولر ملک

ہیٹ اسپیچ کے بڑھتے ہوئے معاملات پر تشویش کا اظہار کرتے ہوئے سپریم کورٹ نے کہا ہے کہ ہندوستان جیسے سیکولر ملک میں مذہب کی بنیاد پر نفرت انگیز جرائم کی کوئی گنجائش نہیں ہے۔ نفرت انگیز بیانات پر کوئی سمجھوتہ نہیں ہو سکتا۔ یہ تبھی حل ہو سکتا ہے جب حکومت نفرت انگیز تقریر کو ایک مسئلہ کے طور پر قبول کرے۔ انہوں نے کہا کہ حکومت کا یہ سب سے اہم فرض ہے کہ وہ اپنے شہریوں کو ایسے نفرت انگیز جرائم سے بچائے۔
پی ٹی آئی کے مطابق جسٹس کے ایم۔ جوزف اور جسٹس B.V. ناگارتنا کی بنچ نے کل پیر کو یہ مشاہدہ کیا۔ بنچ نے پیر کی دیر شام تک اس معاملے کی سماعت کی۔
سپریم کورٹ کی اس بنچ نے کہا کہ جب نفرت پر مبنی جرائم کے خلاف کارروائی نہیں کی جاتی ہے تو اس سے ایسا ماحول پیدا ہوتا ہے جو بہت خطرناک ہے۔ اس لیے ہمیں اپنی زندگیوں سے ایسے نفرت انگیز جرائم کو جڑ سے اکھاڑ پھینکنا ہوگا۔ نفرت انگیز تقاریر پر کوئی سمجھوتہ نہیں ہو سکتا
پی ٹی آئی کے مطابق سپریم کورٹ ایک مسلم شخص کی درخواست پر سماعت کر رہی ہے۔ جس میں متاثرہ نے الزام لگایا ہے کہ 4 جولائی 2021 کو مجرموں کے ایک اسکریو ڈرائیور گینگ نے مذہب کے نام پر اس کے اوپر حملہ کیا اور بدتمیزی کی۔ یہ واقعہ اس وقت پیش آیا جب وہ نوئیڈا سے علی گڑھ کی طرف کار میں جارہے تھے۔
اس معاملے میں بنچ نے ایڈیشنل سالیسٹر جنرل (ASG) K.M. نٹراج سے نفرت انگیز تقریر سے متعلق اس معاملے پر سخت تبصرہ کیا۔ عدالت نے کہا-
ان دنوں نفرت انگیز تقریر کے خلاف اتفاق رائے پیدا ہو رہا ہے۔ لیکن بھارت جیسے سیکولر ملک میں مذہب کے نام پر ایسے نفرت انگیز جرائم کی کوئی گنجائش نہیں ہے۔ عدالت نے کہا کہ اگر کوئی شخص پولیس کے پاس آ کر کہے کہ میں نے ٹوپی پہنی ہوئی تھی، میری داڑھی کھینچی گئی اور مذہب کے نام پر گالی دی گئی اور پھر بھی کوئی شکایت درج نہیں کرائی گئی تو یہ مسئلہ ہے۔
– سپریم کورٹ، 6 فروری 2023 ماخذ: پی ٹی آئی
درخواست گزار کاظم احمد شیروانی کی طرف سے پیش ہونے والے سینئر وکیل حذیفہ احمدی نے عدالت کو بتایا کہ 13 جنوری کو اس عدالت نے یوپی حکومت سے کیس ڈائری پیش کرنے کو کہا تھا۔ کیونکہ پولیس نے دو سال بعد ایف آئی آر درج کی۔ جس میں ایک دفعہ کے علاوہ تمام قابل ضمانت جرم کی دفعہ لگائی گئی تھی۔
عدالت نے یوپی حکومت سے تفصیلی حلف نامہ داخل کرنے کو کہا اور معاملے کی مزید سماعت 3 مارچ کو ملتوی کر دی۔