بہیمانہ قتل کے لیے ہریانہ سرکار ذمہ دار،اویسی کا الزام،متاثرین کے اہل خانہ سے ملے

راجستھان میں ہندوتوا گروپ بجرنگ دل کے ارکان کے ہاتھوں دو دو مسلم نوجوانوں کے قتل کے چند دن بعد، اے آئی ایم آئی ایم کے سربراہ اور حیدرآباد کے رکن پارلیمنٹ اسد الدین اویسی نے ہفتہ، 18 فروری کو جنید اور ناصر کے گاؤں کا دورہ کیا۔
جنید اور ناصر کو ہندوتوا گروپ کے ارکان نے ہریانہ کے بھیوانی میں ان کی گاڑی کو آگ لگانے کے بعد قتل کر دیا تھا ان کے کنکال برآمد ہوۓ تھے۔
اس سے پہلے، بی جے پی پر سخت حملہ کرتے ہوئے، اویسی نے بھیوانی میں ہونے والے بہیمانہ قتل کے لیے ہریانہ حکومت کو ذمہ دار ٹھہرایا۔ اویسی نے دعویٰ کیا کہ متاثرہ خاندان کو انصاف نہیں ملے گا۔
اویسی نے الزام لگایا کہ راجستھان حکومت نے جنید اور ناصر کے اہل خانہ کی طرف سے درج لاپتہ افراد کی شکایت پر کارروائی میں تاخیر کی اور ملزمان کو ریاست سے ہریانہ فرار ہونے کی اجازت دی۔
دریں اثنا، راجستھان کی ایک عدالت نے ہفتے کے روز اغوا اور قتل کیس کے ایک ملزم کو پانچ دن کے لیے پولیس ریمانڈ پر بھیج دیا، جب کہ ہریانہ کے حکام اس کیس میں ملوث مونو مانیسر کا اسلحہ لائسنس منسوخ کرنے کی کارروائی کررہی ہے۔ .
نصیر (25) اور جنید عرف جونا (35) کے رشتہ داروں نے وزیر اعلیٰ اشوک گہلوت سے ملاقات کی، جنہوں نے تمام ملزمان کو جلد از جلد گرفتار کرنے کا یقین دلایا۔