موجودہ دور میں مسلمان دل ودماغ جیتنے کی مہم چھیڑیں:امیر جماعت

نئی دہلی’’موجودہ حالات میں کرنے کا جو کام ہے وہ یہ کہ ہم ملک عزیز کے گلی -کوچوں میں دلوں اور دماغوں کو جیتنے کی مہم چھیڑدیں۔تاریخ کے ابواب میں قلعے فتح کرنے والے ہمارے ہیروز قرار پاتے ہیں، لیکن اس وقت ہم سب کو جن حالات کا سامنا ہے ان میں ہمارے ہیرو وہ لوگ ہوں گے جو دل اور دماغ فتح کریں گے۔اسی سے یہاں حالات بہتر ہوں گے۔ دماغ فتح ہوتے ہیں ربط و تعلق بحال کرنے سے ،غلط فہمیوں کا ازالہ کرنے سے اور صحیح بات اور صحیح پیغام پہنچا کر جبکہ دل فتح ہوتے خدمت خلق اور بے لوث انسانوں کی خدمت کرکے، ان کے مسائل حل کرکے‘ جماعت اسلامی ہند حلقہ دہلی کے جلسہ عام سے خطاب کرتے ہوئے امیر جماعت سید سعادت اللہ حسینی ان خیالات کا اظہار کیا۔انہوں نے مزید کہا کہ”’’ نوجوانوں کو کوشش کرنی چاہیے کہ آئندہ پانچ برسوں میں اس ملک میں ایسی فضا بن جائے کہ یہاں عام برادران وطن کے لیے اسلام کو جاننے کا ذریعہ میڈیا نہ ہوبلکہ اس کا اپنا مسلمان دوست ہو۔۔ ‘‘
ڈاکٹر قاسم رسول الیاس (رکن، مرکزی مجلس شوریٰ، جماعت اسلامی ہند) نے اپنے خطاب میں کہا کہ مسلمانوں کو موجودہ حالات میں اسی اسوہ نبویؐ کو اختیار کرنا چاہیے کہ جس طرح صحابہ کرام ؓ نے اختیار کیا تھا اور کامیابیاں اپنے نام کی تھیں۔
۔ امیر حلقہ عبد الوحید نے جماعت کی تاریخ اور اس کے قیام کے مقاصد پر روشنی ڈالی اور حلقہ کی گرانقدر سرگرمیوں سے عوام کو روشناس کرایا۔
اس موقع پر طلبہ تنظیم اسٹودنٹس اسلامک آرگنائزیشن آف انڈیا(SIO)کے جنرل سیکریٹری سلمان خان نے کہا کہ”کسی بھی سماجی انقلاب کے روح رواں نوجوان ہی ہوتے ہیں۔ موجودہ حالات آپ کو مایوسی کے دہانے پر لے جائیں گے لیکن آپ کو کسی بھی حال میں مایوس نہیں ہونا ہے بلکہ نوجوانوں کو اللہ سے ویسی ہی امید رکھنی چاہیے جیسے حضرت محمد ؐ نے آزمائیشوں ، مصیبتوں اور آلام کے وقت رکھی تھی
ڈاکٹر قاسم رسول الیاس (رکن، مرکزی مجلس شوریٰ، جماعت اسلامی ہند) نے بھی اپنے خطاب میں مسلمانوں کو موجودہ حالات میں اسی اسوہ نبویؐکو اختیار کرنا چاہیے کہ جس طرح صحابہ کرام ؓ نے اختیار کیا تھا اور کامیابیاں اپنے نام کی تھیں۔
اس کے علاوہ حلقہ دہلی کی سکریٹری ڈاکٹر تنویر فاطمہ نے بھی خطاب کیا۔ اس موقع پر مشہور شاعر جناب انتظار نعیم صاحب نے جماعت اسلامی ہند کے 75 برس پورے ہونے کو موقعے پر اپنا ایک منظوم کلام بھی پیش کیا۔ ۔ جلسہ کی نظامت آصف اقبال نے اکی۔ عبد المنان کے کلمات تشکر و دعا پر اس جلسہ کا اختتام ہوا۔
واضح رہے کہ جماعت اسلامی ہند 1948 میں اپنے قیام کے 75 برس پورے کر رہی ہے۔اس موقع پر ملک کے مختلف گوشوں میں مختلف پروگراموں اور سرگرمیوں کا انعقاد کیا جا رہا ہے۔ اس ضمن میں جماعت اسلامی ہند کے حلقہ دہلی نے ملّی ماڈل اسکول کے گراؤنڈ میں جلسہ عام کا انعقاد کیا