فیک۔نیوز پھیلانے پر opindia کے سی ای او اور ایڈیٹر پرمقدمہ درج

نیین دہلی:دائیں بازو کی ویب سائٹ OpIndia کے سی ای او راہول روشن اور اس کی ایڈیٹر نوپور جے شرما کے خلاف فیک نیوز پھیلانے اور تمل ناڈو میں تارکین وطن مزدوروں میں خوف و ڈرکا احساس پیدا کرنے کا مقدمہ درج کیا گیا ہے۔
پولیس کی ایک ریلیز کے مطابق، آواڈی کے تھرونینور پولیس اسٹیشن نے ڈی ایم کے کے آئی ٹی ونگ کے رکن سوریہ پرکاش کی شکایت پر ایک مقدمہ درج کیا، جس میں ویب سائٹ کے سی ای او اور ایڈیٹر کے خلاف کارروائی کا مطالبہ کیا گیا ہے۔
شکایت کنندہ نے کہا کہ ہندوتوا پروپیگنڈہ ویب سائٹ کی فیک نیوز کے لنکس ٹویٹر سمیت مختلف سوشل میڈیا پر بڑے پیمانے پر گردش کر رہے ہیں۔ انہوں نے کہا کہ اس سے عوامی امن میں خلل پڑ سکتا ہے۔
یہ معاملہ اس وقت سامنے آیا جب فیکٹ چیک کرنے والے معروف صحافی محمد زبیر نے جنوبی ریاست میں تارکین وطن مزدوروں پر حملے کے بارے میں افواہیں پھیلانے پر اوپی انڈیا سمیت کئی ہندوتوا ہینڈلز پر تنقید کی۔
دو دن پہلے، تمل ناڈو پولیس نے بھارتیہ جنتا پارٹی کے ریاستی سربراہ انامالائی کے خلاف تشدد بھڑکانے اور گروپوں کے درمیان دشمنی کو فروغ دینے کے الزام میں مقدمہ درج کیا جب اس نے شمالی ہندوستان سے آنے والے تارکین وطن مزدوروں کے بارے میں ریاستی حکومت کے خلاف "جھوٹا پروپیگنڈہ” پھیلایا سی سی بی نے تعزیرات ہند کی چار دفعہ 153، 153A(1)(a)، 505(1)(b) اور 505(1)(c) کے تحت مختلف گروہوں کے درمیان مذہب، ذات اور زبان کی بنیاد پربدامنی، دشمنی یا نفرت کو فروغ دینے کا مقدمہ درج کیا ہے۔