غیرملکی عورت سے پیدا بیٹا محب وطن نہیں ہوسکتا:پرگیہ سنگھ کا راہل پرحملہ

مدھیہ پردیش کی راجدھانی بھوپال سے بی جے پی کی رکن پارلیمنٹ سادھوی پرگیہ سنگھ ٹھاکر نے ایک متنازعہ بیان دیتے ہوئے راہل گاندھی کی حب الوطنی پر سوالیہ نشان لگا دیا ہے۔ انہوں نے کہا ہے کہ ‘غیر ملکی عورت سے پیدا ہونے والا بیٹا محب وطن نہیں ہو سکتا، یہ راہل گاندھی نے ثابت کر دیا ہے۔’ پرگیہ سنگھ یہیں نہیں رکیں، انہوں نے یہ بھی کہا، ‘انہیں (راہل) کو ملک سے باہر پھینک دینا چاہیے۔ ‘
پرگیہ سنگھ ٹھاکر بھوپال-داہود ٹرین کو جھنڈی دکھانے کے لیے بھوپال کے ہیردارام نگر ریلوے اسٹیشن پہنچیں تھیں۔اس پروگرام کے بعد میڈیا کے سامنے آنے والی پرگیہ سنگھ نے کانگریس اور راہل گاندھی پر خوب جملے کسے۔
پرگیہ سنگھ نے کہا، ”ان کا (راہل اور کانگریس) وجود ختم ہونے کے دہانے پر ہے، لیکن ان کی ذہانت بھی خراب ہو رہی ہے۔ آپ (راہل گاندھی) اپنے ملک کے لیڈر ہیں۔ آپ کو عوام نے منتخب کیا ہے۔ آپ لوگوں اور ملک کی توہین کر رہے ہیں۔ سادھوی پرگیہ نے کہا، ‘آپ ہندوستان سے نہیں ہیں – ہم نے مان لیا، کیونکہ آپ کی ماں اٹلی سے ہے۔’