سکھ قیدیوں کی رہائی کے لئے گردوارہ پربندھک کمیٹی کی دستخطی مہم

امرتسر:شرومنی گرودوارہ پربندھک کمیٹی (ایس جی پی سی) کی طرف سے یکم دسمبر 2022 کو ہندوستان کی مختلف جیلوں میں قید بندی سکھوں یعنی سکھ قیدیوں کی سزا پوری ہونے کے بعد بھی رہائی عمل میں نہیں آئی ان کے لیے دستخطی مہم کے تحت بھرا گیآ پرفارما 27 اپریل کو پنجاب کے گورنر بنواری لال پروہت کے حوالے کیا جائے گا۔
ایس جی پی سی کے سکریٹری پرتاپ سنگھ نے ہفتہ کو بتایا کہ سکھ قیدیوں کی رہائی کے لیے دستخطی مہم کے لیے تقریباً 25 لاکھ لوگوں نے پرفارما بھرا ہے، جسے 27 اپریل کو چنڈی گڑھ میں پنجاب کے گورنر کے حوالے کیا جائے گا۔ انہوں نے کہا کہ ایس جی پی سی صدر ہرجیندر سنگھ دھامی کی قیادت میں ایک چار رکنی وفد مسٹر پروہت سے ملاقات کرے گا۔ ایس جی پی سی وفد کے باقی تین ارکان میں ایس جی پی سی کے سینئر نائب صدر بلدیو سنگھ کیم پور، جونیئر نائب صدر اوتار سنگھ رایا اور جنرل سکریٹری بھائی گرچرن سنگھ گریوال شامل ہیں۔
ایس جی پی سی کے سکریٹری نے کہا کہ 27 اپریل کو گورنر ہاؤس جانے سے پہلے صبح سات بجے سری اکال تخت صاحب پر ایک پنتھک (کمیونٹی) اجتماع منعقد کیا جائے گا جس میں دعائیں کی جائیں گی۔ اس میں شری اکال تخت صاحب کے جتھیدار گیانی ہرپریت سنگھ، تخت شری کیس گڑھ صاحب کے جتھیدار گیانی رگھبیر سنگھ، سچکھنڈ شری ہرمندر صاحب کے ہیڈ گرنتھی گیانی جگتار سنگھ، ایس جی پی سی کے صدر ہرجیندر سنگھ دھامی اور ایس جی پی سی سمیت مختلف سکھ تنظیموں کے سربراہان اور عہدیداران و اراکین شرکت کریں گے
l