‘ملادیا مٹی میں’ عتیق برادرز کے کھلے عام قتل کا سیاسی فائدہ اٹھانے کی کوشش

لکھنؤ: اتر پردیش کے الہ آباد (پریاگ راج) میں پولیس کے سامنے عتیق برادران کے ک پولیس کسڈی میں ھلے عام قتل کے بعد وہی ہو رہا ہے جس کا خدشہ تھا۔ پولیس حراست میں دو لوگوں کو سیکورٹی فراہم کرنے میں ناکام یوگی حکومت نے اس واقعہ کا سیاسی فائدہ اٹھانا شروع کر دیا ہے۔اس کا تذکرہ صرف کرناٹک کے اسمبلی انتخابات میں ہی نہیں ہوا بلکہ یوپی میں ہونے والے بلدیاتی انتخابات میں بھی اسے کیش کیا جارہا ہے
امیش پال کی بیوی جیا پال نے منگل کو ایک پوسٹر جاری کیا ہے جس میں وزیر اعلی یوگی کا اپنے شوہر راجو پال کے قاتلوں کو ختم کرنے کے لیے شکریہ ادا کیا گیا ہے۔ سی ایم یوگی بلدیاتی انتخابات کی تشہیر کے لیے پریاگ راج پہنچے تھے۔ اس دوران کچھ لوگ پوسٹر لے کر ان کے جلسہ میں گیے۔
جیا پال کے سی ایم یوگی کے علاوہ جاری کردہ پوسٹر میں بی جے پی ایم ایل اے سدھارتھ ناتھ سنگھ کی تصویر بھی تھی۔ پوسٹر میں امیش پال، جیا پال اور راجو پال کی تصاویر بھی لگائی گئی تھیں۔ پوسٹر پر لکھا تھا ’’بلڈوزر بابا زندہ باد، سدھارتھ ناتھ سنگھ زندہ باد‘
بلدیاتی انتخابات میں اس قتل کو یوگی حکومت کا کارنامہ قرار دیا جا رہا ہے۔ بی جے پی کے رکن اسمبلی کے قتل کو یوگی حکومت کی کامیابی قرار دینے کے بعد اب یوگی کی انتخابی ریلی میں ایک پوسٹر لہرایا گیا ہے، جس پر لکھا تھا، ’’اومیش پال کے قاتلوں کو مٹی میں ملانے پر آپ کا شکریہ!